news
بیرسٹر گوہر خان کا پی ٹی آئی اور اسٹیبلشمنٹ کے درمیان خلیج ختم کرنے پر زور
مرکزی رہنماء پی ٹی آئی بیرسٹر گوہر خان نے کہا ہے کہ بدقسمتی سے کچھ لوگ کوشش کر رہے ہیں کہ پی ٹی آئی اور اسٹیبلشمنٹ کے درمیان دراڑ برقرار رہے۔ پی ٹی آئی ملک کی بڑی جماعت ہے اور یہ خلیج بالکل نہیں ہونی چاہئے۔ انہوں نے جیو نیوز کے پروگرام میں گفتگو کرتے ہوئے کہا کہ ہماری میٹنگ سے متعلق باتیں ہو رہی ہیں، ہماری پشاور میں میٹنگ ضرور ہوئی تھی، علی امین نے ہی کہا تھا، میں اس میٹنگ کے لیے گیا ہوا تھا۔ میں کوئی بھی بات تب کرتا ہوں جب عمران خان کی ہدایات ملتی ہیں۔ آج ہماری میٹنگ کا عمران خان نے خود بتایا تھا، بانی نے کہا کہ اچھی بات ہے کہ مذاکرات ہونے چاہئیں، ایسی ملاقاتیں ملک کے لیے اچھی ہیں۔ بدقسمتی سے کچھ لوگ کوشش کر رہے ہیں کہ پی ٹی آئی اور اسٹیبلشمنٹ کے درمیان دراڑ رہے، حالانکہ یہ خلیج بالکل نہیں ہونی چاہئے۔ پی ٹی آئی ملک کی بڑی جماعت ہے، وہ کوشش کر رہے ہیں کہ اگر ایک ملاقات بھی ہو جائے تو اسے متنازع بنایا جائے۔
مزید برآں، پی ٹی آئی کی مذاکراتی کمیٹی کے ترجمان صاحبزادہ حامد رضا نے نیوز کانفرنس کرتے ہوئے کہا کہ رانا ثناء اللہ اور عرفان صدیقی کی پریس کانفرنس کا حقائق سے کوئی تعلق نہیں، دونوں کی پریس کانفرنس پریشانی پر مبنی تھی۔ یہ سوچ رہے تھے کہ بانی اور اسیران کی رہائی کے لیے نام لکھ کر دیں گے، یہ حکومت این آراو کا بیانیہ بنانا چاہتی ہے۔
پاکستان نے عالمی مالیاتی فنڈ (آئی ایم ایف) کو یہ قائل کر لیا ہے کہ وہ کوئی منی بجٹ نہیں لائے گا۔ آئی ایم ایف نے پاکستان کی معاشی کارکردگی پر اطمینان کا اظہار کیا ہے۔ میڈیا رپورٹس کے مطابق، پاکستان اور آئی ایم ایف کے درمیان تفصیلی مذاکرات ہوئے ہیں، جن میں آئی ایم ایف کے بیشتر اہداف حاصل کر لیے گئے ہیں اور تمام ضروری معاشی ڈیٹا فراہم کیا گیا ہے۔
آج پاکستان اور بین الاقوامی مالیاتی فنڈ (آئی ایم ایف) کے درمیان مذاکرات کا آخری دن ہے۔ ٹیکنیکل سیشن کے بعد پالیسی سطح کے مذاکرات بھی آج مکمل ہوں گے۔ ذرائع کے مطابق، آئی ایم ایف کے وفد کی وزیر خزانہ سے ملاقات طے ہے۔ مذاکرات مکمل ہونے کے بعد، وفد اپنی جائزہ رپورٹ تیار کرے گا، جس کے بعد ایگزیکٹیو بورڈ ایک ارب ڈالر کی اگلی قسط جاری کرنے کا فیصلہ کرے گا۔
حکومت کی معاشی ٹیم نے آئی ایم ایف مشن کو بریفنگ دیتے ہوئے بتایا کہ آئی ایم ایف کے بیشتر اہداف حاصل کر لیے گئے ہیں۔ وزارت خزانہ کے ذرائع کے مطابق، آئی ایم ایف کو تمام ضروری معاشی ڈیٹا فراہم کیا گیا ہے۔ تاہم، آئی ایم ایف مشن نے یہ بھی کہا کہ سولر پینلز اور الیکٹریکل گاڑیاں صرف امیر طبقے کی ضرورت ہیں۔ انہوں نے یہ مطالبہ بھی کیا ہے کہ سولر پینلز پر دی جانے والی رعایتیں ختم کی جائیں اور معاشی نظم و ضبط پر سختی سے عمل درآمد کیا جائے۔
پشاور جانے والی جعفر ایکسپریس پر بولان کے قریب پہاڑی علاقے میں مسافر ٹرین پر حملہ کرنے والے دہشتگردوں کی تصاویر اب منظر عام پر آ گئی ہیں۔ میڈیا رپورٹس کے مطابق، سیکیورٹی ذرائع نے بتایا کہ 12 مارچ کو فائنل کلیئرنس آپریشن کے دوران مارے جانے والے دہشت گرد غیر ملکی اسلحہ سے لیس تھے۔ ان تصاویر میں دیکھا جا سکتا ہے کہ یہ دہشت گرد ٹرین کے ارد گرد ہلاک ہوئے۔
سیکیورٹی ذرائع نے مزید یہ بھی بتایا کہ یہ دہشت گرد بیرون ملک اپنے آلہ کاروں سے رابطے میں تھے اور مسلسل ہدایات حاصل کر رہے تھے۔ سیکیورٹی فورسز نے بلوچستان میں ایک کامیاب ریسکیو آپریشن کے دوران جعفر ایکسپریس کو یرغمال بنانے والے تمام دہشت گردوں کو ہلاک کر دیا۔
اس سے پہلے، پاک فوج کے شعبہ تعلقات عامہ (آئی ایس پی آر) کے ڈی جی، لیفٹیننٹ جنرل احمد شریف چوہدری نے اس واقعے کے بارے میں بتایا کہ دہشت گردوں نے 11 مارچ کو تقریباً ایک بجے بولان کے علاقے اوسی پور میں ریلوے ٹریک کو دھماکے سے اڑا دیا اور جعفر ایکسپریس کو روک دیا۔
بازیابی کا آپریشن فوراً شروع کیا گیا، جس میں آرمی، ایئرفورس، فرنٹئیر کور اور ایس ایس جی کے جوانوں نے حصہ لیا اور یرغمالیوں کو مرحلہ وار رہا کروا لیا۔ ریلوے حکام کے مطابق، اس ٹرین میں 440 افراد سوار تھے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
