Connect with us

news

بیرسٹر گوہر خان کا پی ٹی آئی اور اسٹیبلشمنٹ کے درمیان خلیج ختم کرنے پر زور

Published

on

بیرسٹر گوہر علی خان

مرکزی رہنماء پی ٹی آئی بیرسٹر گوہر خان نے کہا ہے کہ بدقسمتی سے کچھ لوگ کوشش کر رہے ہیں کہ پی ٹی آئی اور اسٹیبلشمنٹ کے درمیان دراڑ برقرار رہے۔ پی ٹی آئی ملک کی بڑی جماعت ہے اور یہ خلیج بالکل نہیں ہونی چاہئے۔ انہوں نے جیو نیوز کے پروگرام میں گفتگو کرتے ہوئے کہا کہ ہماری میٹنگ سے متعلق باتیں ہو رہی ہیں، ہماری پشاور میں میٹنگ ضرور ہوئی تھی، علی امین نے ہی کہا تھا، میں اس میٹنگ کے لیے گیا ہوا تھا۔ میں کوئی بھی بات تب کرتا ہوں جب عمران خان کی ہدایات ملتی ہیں۔ آج ہماری میٹنگ کا عمران خان نے خود بتایا تھا، بانی نے کہا کہ اچھی بات ہے کہ مذاکرات ہونے چاہئیں، ایسی ملاقاتیں ملک کے لیے اچھی ہیں۔ بدقسمتی سے کچھ لوگ کوشش کر رہے ہیں کہ پی ٹی آئی اور اسٹیبلشمنٹ کے درمیان دراڑ رہے، حالانکہ یہ خلیج بالکل نہیں ہونی چاہئے۔ پی ٹی آئی ملک کی بڑی جماعت ہے، وہ کوشش کر رہے ہیں کہ اگر ایک ملاقات بھی ہو جائے تو اسے متنازع بنایا جائے۔

مزید برآں، پی ٹی آئی کی مذاکراتی کمیٹی کے ترجمان صاحبزادہ حامد رضا نے نیوز کانفرنس کرتے ہوئے کہا کہ رانا ثناء اللہ اور عرفان صدیقی کی پریس کانفرنس کا حقائق سے کوئی تعلق نہیں، دونوں کی پریس کانفرنس پریشانی پر مبنی تھی۔ یہ سوچ رہے تھے کہ بانی اور اسیران کی رہائی کے لیے نام لکھ کر دیں گے، یہ حکومت این آراو کا بیانیہ بنانا چاہتی ہے۔

news

کِم کارڈیشین کا انکشاف: میں امبانی خاندان کو نہیں جانتی

Published

on

کِم کارڈیشن

حال ہی میں بھارت کے معروف امیر ترین خاندان امبانی کی شادی کی تقریب میں شرکت کرنے والی مشہور امریکی ماڈل کِم کارڈیشن نے یہ بات تسلیم کی ہے کہ وہ امبانی خاندان کو نہیں جانتیں۔

کِم کارڈیشن اور ان کی بہن کلوئی کارڈیشن نے جولائی 2024 میں دیگر بین الاقوامی ستاروں کے ساتھ مل کر امبانی خاندان کی شادی میں شرکت کی۔ ان کے ریئلٹی شو ’دی کارڈیشئنز‘ کی تازہ ترین قسط میں ممبئی کے ان کے 48 گھنٹے کے دورے کی جھلک دکھائی گئی ہے۔

اداکارہ نے اپنے شو کی اس قسط میں یہ اعتراف کیا کہ وہ امبانی خاندان سے واقف نہیں ہیں، لیکن انہوں نے دنیا کے دوسرے کونے تک سفر کرکے ان کے سب سے چھوٹے بیٹے اننت امبانی اور رادھیکا مرچنٹ کی شادی میں شرکت کی۔

پروگرام کے ایک حصے میں کِم نے کہا، “میں واقعی میں امبانی خاندان کو نہیں جانتی۔ لیکن ہمارے کچھ مشترکہ دوست ہیں۔” کِم نے یہ بھی بتایا کہ جوہری لورین شوارٹز، جو امبانی خاندان کے لیے جیولری ڈیزائن کرتی ہیں، نے انہیں بتایا کہ امبانی خاندان کارڈیشئنز کو شادی میں مدعو کرنا چاہتے ہیں۔ لورین نے مجھ سے کہا کہ وہ شادی میں جارہی ہیں اور امبانی خاندان آپ کو مدعو کرنا چاہتے ہیں۔ ہم نے بغیر کسی ہچکچاہٹ کے ’ہاں‘ کہہ دیا۔”

کِم اور کلوئی نے شادی کے دعوت نامے کے بارے میں بھی بات کی، جو تقریباً 18 سے 22 کلو گرام وزنی تھا۔

جاری رکھیں

news

جنوبی وزیرستان: اعظم ورسک بازار کی مسجد میں دھماکہ، جے یو آئی رہنما زخمی

Published

on

اعظم ورسک بازار

جنوبی وزیرستان کے لوئر علاقے میں اعظم ورسک بازار کی ایک مسجد میں دھماکہ ہوا ہے، جس کے نتیجے میں جے یو آئی (ف) کے رہنما زخمی ہونے کی خبریں موصول ہوئی ہیں۔ پولیس کے مطابق یہ دھماکہ نماز جمعہ کے دوران مسجد کے اندر ہوا۔ ابتدائی اطلاعات کے مطابق، جمعیت علمائے اسلام کے ضلعی امیر مولانا عبداللہ ندیم بھی اس واقعے میں زخمی ہوئے ہیں۔ جیسے ہی دھماکے کی خبر ملی، پولیس اور امدادی ٹیمیں فوراً جائے وقوع پر پہنچ گئیں اور کارروائی شروع کر دی۔ ریسکیو ذرائع کے مطابق، زخمیوں کو ڈسٹرکٹ ہیڈکوارٹر ہسپتال وانا منتقل کیا جا رہا ہے۔

پولیس نے بتایا کہ یہ دھماکہ مولانا عبدالعزیز مسجد کے خطیب اور جمعیت علماء اسلام وانا کے امیر مولانا عبداللہ ندیم پر ہوا، جس میں ان کے علاوہ بھی کئی افراد زخمی ہوئے ہیں، اور ہلاکتوں کا خدشہ بھی ظاہر کیا جا رہا ہے۔

پولیس ذرائع کے مطابق، دھماکہ ورسک بازار کی مسجد میں ہوا۔ ریسکیو ٹیمیں زخمیوں کو ہسپتال منتقل کر رہی ہیں جبکہ سکیورٹی فورسز نے علاقے کو گھیرے میں لے لیا ہے۔ ڈی پی او آصف بہادر نے بیان میں تصدیق کی ہے کہ دھماکہ خیز مواد مسجد میں نصب تھا، جس کے نتیجے میں جے یو آئی کے مرکزی امیر عبداللہ ندیم زخمی ہوئے۔ دھماکے میں تین افراد کے زخمی ہونے کی اطلاعات ہیں، اور دھماکے کی آواز دور دور تک سنی گئی، جس سے کئی افراد متاثر ہوئے۔

جاری رکھیں

Trending

backspace
caps lock enter
shift shift
صحافت نیوز کی بورڈ Sahafatnews.com   « » { } ~