news
بجلی کی قیمتوں میں کمی نہ ہونے پر جماعت اسلامی کا 17 جنوری سے ملک گیر احتجاجی تحریک کا اعلان
امیر جماعت اسلامی حافظ نعیم الرحمان نے بجلی کی قیمتوں میں کمی نہ ہونے پر ملک بھر میں احتجاجی تحریک شروع کرنے کا اعلان کیا ہے۔ انہوں نے کہا کہ اگر بجلی کی قیمتوں میں کمی نہ ہوئی تو 17 جنوری سے ملک گیر احتجاجی تحریک چلائی جائے گی۔ جماعت اسلامی جب کوئی تحریک شروع کرتی ہے تو پیچھے نہیں ہٹتی۔ لاہور میں پریس کانفرنس کرتے ہوئے انہوں نے کہا کہ بجلی کی قیمتوں میں کمی کے لیے احتجاجی تحریک کو دوبارہ شروع کریں گے۔
حکومت کے مطابق ڈیڑھ ارب روپے کا فائدہ ہوا ہے، لیکن بجلی کی قیمتیں کم نہیں ہوئیں۔ یہ دعوے تو بڑے بڑے کرتے ہیں، مگر عوام کو ریلیف دینے کے لیے کوئی اقدام نہیں اٹھاتے۔ حکمران طبقہ اپنی عیاشیوں کی قربانی دینے کے لیے تیار نہیں۔ انہوں نے مزید کہا کہ غریبوں سے پیسے لے کر یہ چند افراد کو دیے جا رہے ہیں۔
حکومت نے آئی پی پیز کے مالکان کی آمدن پر ٹیکس چھوٹ بھی دے رکھی ہے۔
حکومتی اخراجات میں تئیس فیصد اضافہ ہو چکا ہے، اور حکمران اپنی عیاشیوں میں کمی کرنے پر آمادہ نہیں ہیں۔ وزیراعظم کو بتانا چاہیے کہ سٹاک ایکسچینج کا انڈکس اوپر جانے کے باوجود تیل کیوں سستا نہیں ہوا، مہنگائی میں کمی کیوں نہیں آئی، اور پاکستانی کرنسی کی قیمت کیوں نہیں بڑھی۔ پریس کانفرنس کے دوران حافظ نعیم الرحمان نے مزید کہا کہ ملک کے معاشی حالات دن بدن بدتر ہوتے جا رہے ہیں۔
ڈالرز ذخائر میں گراوٹ کا سلسلہ دوبارہ شروع ہو گیا ہے، مسلسل تیسرے ہفتے زرمبادلہ ذخائر میں کمی کا انکشاف ہوا ہے، جس کی تفصیلات اسٹیٹ بینک نے جاری کی ہیں۔ اسٹیٹ بینک آف پاکستان کے مطابق، گزشتہ ایک ہفتے کے دوران زرمبادلہ کے ذخائر میں مزید کمی آئی ہے۔ مرکزی بینک کے اعداد و شمار کے مطابق، زرمبادلہ کے سرکاری ذخائر ایک ہفتے میں ایک کروڑ 50 لاکھ ڈالر کی کمی کے ساتھ 11 ارب 69 کروڑ 52 لاکھ ڈالر تک پہنچ گئے ہیں۔
اعداد و شمار میں یہ بھی بتایا گیا کہ 3 جنوری کو زرمبادلہ کے سرکاری ذخائر کی مجموعی مالیت 16 ارب 37 کروڑ 78 لاکھ ڈالر ریکارڈ کی گئی۔ اسی طرح، کمرشل بینکوں کے پاس 4 ارب 68 کروڑ 26 لاکھ ڈالر کے ذخائر موجود ہیں۔
یہ بات قابل ذکر ہے کہ گزشتہ تین ہفتوں کے دوران ملک کے زرمبادلہ ذخائر میں مجموعی طور پر نصف ارب ڈالر سے زیادہ کی کمی ہو چکی ہے۔ پچھلے ہفتے کی رپورٹ میں یہ بتایا گیا تھا کہ ایک ہفتے کے دوران زرمبادلہ کے سرکاری ذخائر میں 14 کروڑ 30 لاکھ ڈالر کی کمی ریکارڈ کی گئی، جس کے بعد مجموعی ذخائر 16 ارب 40 کروڑ ڈالر کی سطح پر آ گئے۔
اسٹیٹ بینک کی جانب سے جاری کردہ زرمبادلہ ذخائر کے ہفتہ وار اعداد و شمار کے مطابق، 27 دسمبر کو ختم ہونے والے ہفتے میں زرمبادلہ کے سرکاری ذخائر میں 14 کروڑ 30 لاکھ ڈالر کی کمی ریکارڈ کی گئی۔
عالمی پارلیمانی ادارہ انٹر پارلیمانی یونین (آئی پی یو) جمہوری حکمرانی، احتساب اور اپنے ارکان کے درمیان تعاون کے فروغ کے لیے سابق وزیراعظم عمران خان کے خلاف کارروائی کا جائزہ لینے کے لیے ایک مبصر پاکستان بھیجے گا۔ رپورٹ کے مطابق، عمران خان کی قانونی ٹیم کے رکن خالد یوسف چوہدری نے آئی پی یو کے فیصلے کے بارے میں تفصیلات فراہم کرتے ہوئے کہا کہ مبصر 190 ملین پاﺅنڈ کے کیس اور توشہ خانہ سیریز کے مقدمات کی کارروائی کا مشاہدہ کریں گے۔
وکیل نے دعویٰ کیا کہ یہ مقدمات قانونی احتساب کے بجائے سیاسی استحصال کی مہم کی مثال ہیں۔ آئی پی یو کے ساتھ بات چیت کا ایک اور اہم نقطہ جی ایچ کیو حملہ کیس ہوگا، جس میں عمران خان پر 9 مئی کو ٹھوس شواہد یا قابل اعتماد قانونی بنیادوں کے بغیر فرد جرم عائد کی گئی تھی، جس سے انصاف کے نظام کی غیر جانبداری پر مزید سوالات اٹھیں گے۔ خالد یوسف نے کہا کہ آئندہ ہفتوں میں پاکستان کا دورہ کرنے والے آئی پی یو کے مبصر کے پاس اڈیالہ جیل میں عمران خان کی نظربندی کی صورتحال کا جائزہ لینے اور ٹرائل کے طریقہ کار کا معائنہ کرنے کا اختیار ہوگا۔ یہ اس بات کی شفاف تشخیص کو یقینی بنانے میں ایک اہم قدم ہے کہ آیا منصفانہ ٹرائل کے حق جیسے بنیادی حقوق کی خلاف ورزی ہوئی ہے یا نہیں۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ7 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ7 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
