سوشل میڈیا کی بڑی کمپنی میٹا اس مہینے کے آخر میں اپنا نیا مصنوعی ذہانت (اے آئی) ماڈل، لاما 4، جاری کرنے کا ارادہ رکھتی ہے اور اس کے لیے تیاریاں جاری ہیں۔

میڈیا رپورٹس کے مطابق، میٹا اے آئی کی دوڑ میں آگے بڑھنے کی کوشش کر رہی ہے، لیکن اس حوالے سے دو ملازمین نے بتایا کہ نئے ماڈل کی ریلیز دوبارہ ملتوی ہو سکتی ہے۔

اوپن اے آئی اور چیٹ جی پی ٹی کی کامیابی کے بعد، بڑی ٹیک کمپنیاں مصنوعی ذہانت میں بھرپور سرمایہ کاری کر رہی ہیں، جس نے ٹیکنالوجی کی دنیا کو بدل کر رکھ دیا ہے۔

رپورٹس کے مطابق، لاما 4 کی ریلیز میں تاخیر کی ایک وجہ یہ ہے کہ یہ تکنیکی معیارات، خاص طور پر ریاضی کے کاموں میں، توقعات پر پورا نہیں اتر سکا۔

کمپنی کو اس بات کی بھی فکر ہے کہ لاما 4 انسانوں جیسی بات چیت کرنے میں اوپن اے آئی کے ماڈلز کے مقابلے میں کمزور ثابت ہو سکتا ہے۔

بڑی ٹیک کمپنیوں پر سرمایہ کاروں کے دباؤ کے درمیان، میٹا اس سال اے آئی انفراسٹرکچر کو بڑھانے کے لیے 65 بلین ڈالر خرچ کرنے کا ارادہ رکھتی ہے۔

اس کے علاوہ، چینی ٹیک فرم ڈیپ سیک کے کم قیمت والے ماڈل کا عروج اس خیال کو چیلنج کرتا ہے کہ بہترین اے آئی ماڈل تیار کرنے کے لیے اربوں ڈالر کی ضرورت ہوتی ہے۔

رپورٹس میں کہا گیا ہے کہ لاما 4 سے توقع کی جا رہی ہے کہ وہ ڈیپ سیک سے کچھ تکنیکی پہلوؤں کو اپنائے گا، جس میں کم از کم ایک ورژن مشین لرننگ کی تکنیک استعمال کرے گا۔

ایک نئی تحقیق نے یہ بات سامنے لائی ہے کہ وہ نوعمر لڑکیاں جو اسمارٹ فون، آئی پیڈ یا لیپ ٹاپ پر بہت زیادہ وقت گزارتیں ہیں، ان میں نیند کے مسائل کی وجہ سے ڈپریشن کا خطرہ بڑھ سکتا ہے۔

محققین نے پی ایل او ایس گلوبل پبلک ہیلتھ میں شائع ہونے والی ایک رپورٹ میں بتایا کہ جو لڑکیاں زیادہ وقت اسکرین پر گزارتیں ہیں، ان کی نیند کے معیار اور دورانیے دونوں میں کمی آتی ہے۔

یہ بھی دیکھا گیا کہ اسکرین ٹائم نوجوانوں کی رات کی نیند میں خلل ڈالتا ہے، جو ان کے جاگنے اور سونے کے اوقات کو متاثر کرتا ہے۔

نتائج سے یہ بات سامنے آئی ہے کہ یہ نیند کی خرابیاں لڑکیوں میں بعد میں ڈپریشن کی علامات سے جڑی ہوئی ہیں، جبکہ یہ اثر لڑکوں میں نہیں دیکھا گیا۔

سویڈن کے کیرولنسکا انسٹی ٹیوٹ کے ڈاکٹریٹ کے طالب علم، سیبسٹین ہوکبی نے کہا کہ ہم نے یہ پایا کہ جن نوعمر لڑکیوں نے اسکرین پر زیادہ وقت گزارنے کی اطلاع دی، ان میں وقت کے ساتھ ساتھ نیند کی خرابیاں بڑھ گئیں۔ اس کے نتیجے میں خاص طور پر لڑکیوں میں ڈپریشن کی سطح میں اضافہ دیکھا گیا۔