صدر لاہور ہائی کورٹ بار اسد منظور بٹ نے کہا ہے کہ ہمارے ملک میں سول مارشل لاء نافذ ہے، اور 26 ویں آئینی ترمیم کے اثرات اب سامنے آنا شروع ہو گئے ہیں۔

اسد منظور بٹ نے میڈیا سے بات چیت کرتے ہوئے عام شہریوں کے فوجی عدالتوں میں ٹرائل کی سخت مذمت کی۔

اُنہوں نے مزید کہا کہ آئینی بینچ نے فوجی عدالتوں کو فیصلے دینے کی اجازت دی ہے۔ صدر لاہور ہائی کورٹ نے یہ بھی کہا کہ عدلیہ کا وقار عوام کے سامنے بلند ہونا چاہیے، اور وہ جسٹس مندوخیل کی رائے کے ساتھ مکمل یکجہتی رکھتے ہیں۔

اُنہوں نے بتایا کہ جسٹس مندوخیل نے کہا ہے کہ سپریم کورٹ کے تمام ججز آئینی ججز ہیں، اور ہم اس بات کی حمایت کرتے ہیں۔

اسد منظور بٹ نے واضح کیا کہ ہم کسی بھی غیر آئینی یا غیر جمہوری عمل یا قانون کو برداشت نہیں کریں گے، اور فل کورٹ کی ججمنٹ کو مسترد کرنے کی مذمت کرتے ہیں۔

دنیا بھر میں سب سے زیادہ فالو کیے جانے والے معروف سینیگالی ٹک ٹاکر خابی لیم نے عمرے کی سعادت حاصل کر لی ہے۔

فوٹو اینڈ ویڈیو شیئرنگ پلیٹ فارم انسٹاگرام پر خابی لیم نے بیت اللّٰہ کی تصاویر اور ویڈیوز شیئر کرتے ہوئے اپنے مداحوں کے ساتھ اپنی خوشی کا اظہار کیا ہے۔

حافظِ قرآن یوٹیوبر نے حال ہی میں ایک انسٹا پوسٹ میں بتایا کہ انہیں عمرے کی سعادت نصیب ہوئی ہے۔

ان تصاویر میں انہیں خانہ کعبہ کے سامنے احرام میں ملبوس دیکھا جا سکتا ہے، اور عمرے کی سعادت حاصل کرنے پر انہوں نے اللّٰہ تعالیٰ کا شکر ادا کیا۔

خابی لیم نے اپنی انسٹا پوسٹ کے کیپشن میں لکھا کہ میں صرف الحمدلِلّٰہ کہنا چاہتا ہوں، خدا نے مجھے سب کچھ دیا ہے، خاص طور پر اس نے مجھے آگے بڑھنے اور اپنے خوابوں پر یقین کرنے کی طاقت عطا کی ہے۔