سپیکر قومی اسمبلی اور مذاکراتی کمیٹی کے چیئرمین سردار ایاز صادق نے کہا ہے کہ پاکستان کی خاطر تمام ڈائیلاگ کی بات ہو رہی ہے۔ اللہ تعالیٰ برکت ڈالے، نیک نیتی سے حکومت اور اپوزیشن کو مذاکرات کی دعوت دی گئی ہے۔ میرا کام تو سہولت فراہم کرنا ہے۔ حکومت اور اپوزیشن کے درمیان مذاکرات کے اجلاس میں گفتگو کرتے ہوئے سپیکر قومی اسمبلی نے کہا کہ بانی پی ٹی آئی عمران خان تک رسائی دینا میرے اختیار میں نہیں ہے۔ میری کوشش ہوگی کہ نیوٹرل رہ کر سہولت فراہم کروں۔ مذاکرات کی کامیابی حکومت اور اپوزیشن کی مذاکراتی کمیٹی پر منحصر ہے۔

مسائل کو مذاکرات کے ذریعے حل کرنے کے لیے وزیراعظم کا اقدام خوش آئند ہے۔ سپیکر سیکرٹریٹ مذاکرات کے لیے ہر ممکن سہولت فراہم کرے گا۔

سپیکر آفس کے دروازے ہمیشہ اراکین کے لیے کھلے ہیں۔ حکومت اور اپوزیشن کا کام ہے کہ انہیں کرنے دیں۔ انہوں نے کہا کہ بات چیت اور مکالمے کے ذریعے ہی آگے بڑھا جا سکتا ہے۔ میرا کام ہے کہ ان کو سہولت فراہم کروں، باقی ان کی مرضی۔

مذاکرات کا عمل جمہوریت کی خوبصورتی ہے۔ حکومت کی سنجیدگی دیکھیں کہ کمیٹی میں ہر سیاسی پارٹی کے سینئر ارکان شامل ہیں۔ اللہ تعالیٰ برکت ڈالے، میرا تو کام ہے سہولت فراہم کرنا، جو مطالبات ہوں گے ان پر گفتگو ہوگی۔ دریں اثناء پارلیمنٹ ہاؤس کے کمیٹی روم 5 میں حکومت اور اپوزیشن کے درمیان مذاکرات کے لیے۔

پشاور:
سابق صدر ڈاکٹر عارف علوی نے راہداری ضمانت کے حصول کے لیے پشاور ہائی کورٹ سے رجوع کیا ہے۔

ڈاکٹر عارف علوی نے ہائیکورٹ میں دائر کردہ درخواست میں آج ہی سماعت کی درخواست کی ہے۔

درخواست میں کہا گیا ہے کہ عارف علوی سابق صدر ہیں اور ان کے خلاف 7 مقدمات درج ہیں۔ درخواست گزار عدالتوں میں پیش ہونا چاہتے ہیں لیکن انہیں گرفتاری کا خدشہ ہے، اس لیے راہداری ضمانت فراہم کی جائے۔

یہ بات بھی قابل ذکر ہے کہ سابق صدر آج صبح پشاور ہائیکورٹ میں درخواست دائر کرنے کے لیے پہنچے تھے۔