news
احد رضا میر اور دنانیر مبین کی قربتیں؟
پاکستانی شوبز انڈسٹری کے مقبول اداکار احد رضا میر، جنہوں نے ’یقین کا سفر‘، ’عہدِ وفا‘، ’آنگن‘، ’ہم تم‘، ’میم سے محبت‘، ’یہ دل میرا‘ اور ’دھوپ کی دیوار‘ جیسے مشہور ڈراموں سے شہرت حاصل کی، ایک بار پھر سوشل میڈیا پر خبروں کی زینت بنے ہوئے ہیں۔ ان دنوں وہ اپنے والدین آصف رضا میر اور سمرا آصف کے ہمراہ امریکہ میں ایک قریبی عزیز کی شادی میں شریک ہیں۔ اسی تقریب میں اداکارہ و سوشل میڈیا انفلوئنسر دنانیر مبین بھی اپنے خاندان کے ہمراہ موجود ہیں، جس کے بعد دونوں کے درمیان قربتوں کی افواہیں زور پکڑ گئی ہیں۔ مداحوں نے دعویٰ کیا ہے کہ یہ پہلی بار نہیں، اس سے قبل بھی احد اور دنانیر کو تھائی لینڈ میں ایک ساتھ دیکھا گیا تھا، جہاں ایک تصویر میں مبینہ طور پر احد پس منظر میں نظر آ رہے تھے۔ حالیہ تقریب کی تصاویر میں بھی دنانیر کو احد اور ان کے اہلِ خانہ کے ساتھ مسلسل دیکھا جا رہا ہے، جس پر مداحوں کی جانب سے دلچسپ تبصرے کیے جا رہے ہیں۔ بعض صارفین نے دنانیر کو مشورہ دیا ہے کہ وہ احد سے دور رہیں، جبکہ چند نے احد کو بھارتی اداکار رنبیر کپور سے تشبیہ دیتے ہوئے ان کی ماضی کی محبتوں اور طلاق کا حوالہ دیا۔ سجل علی سے علیحدگی کے بعد رمشا خان سے منسلک کیے جانے والے احد رضا میر کی ذاتی زندگی ایک بار پھر سوشل میڈیا صارفین کی توجہ کا مرکز بنی ہوئی ہے، جہاں مداح دنانیر کو محتاط رہنے کا مشورہ بھی دے رہے ہیں۔
نئی دہلی میں ایک اہم دفاعی تقریب سے خطاب کرتے ہوئے بھارتی ڈپٹی آرمی چیف لیفٹیننٹ جنرل راہول سنگھ نے معرکہ حق کے دوران پاکستان سے جنگ میں ناکامی کا اعتراف کرلیا۔ ان کا کہنا تھا کہ پاکستان نے الیکٹرانک وار فیئر کے شعبے میں بھارتی افواج کو حیران و پریشان کر دیا، خصوصاً پاک فضائیہ کی الیکٹرانک جنگی صلاحیتیں بے مثال رہیں۔ انہوں نے آپریشن سندور کے دوران پاک فوج کے الفتح راکٹ سسٹم کا ذکر کرتے ہوئے کہا کہ ان راکٹوں نے بھارتی فوجی اڈوں کو مؤثر انداز میں نشانہ بنایا۔ جنرل راہول سنگھ نے کہا کہ ہمیں اس جنگ میں صرف پاکستان سے نہیں بلکہ بیک وقت تین دشمنوں کا سامنا تھا، اگرچہ سرحد ایک تھی مگر مخالفین میں پاکستان، چین اور ترکی شامل تھے۔ ان کا کہنا تھا کہ چین نہ صرف پاکستان کو اسلحہ فراہم کر رہا تھا بلکہ جنگ کے دوران لائیو معلومات بھی فراہم کرتا رہا، جس سے اندازہ ہوتا ہے کہ گزشتہ پانچ برسوں میں پاکستان کو ملنے والا 81 فیصد اسلحہ چینی ساختہ تھا۔
انہوں نے مزید کہا کہ چین اپنی عسکری ٹیکنالوجی کو براہ راست میدان جنگ میں ٹیسٹ کر رہا تھا اور پاکستان اس کے لیے ایک تجربہ گاہ کی مانند تھا۔ اس کے ساتھ ساتھ انہوں نے ترکی پر بھی الزام عائد کیا کہ وہ پاکستان کو نہ صرف ڈرون فراہم کر رہا تھا بلکہ اب ترک ماہرین بھی پاکستانی فوج کے ساتھ موجود تھے۔
سائنس دان ایک ایسا جدید آرٹیفیشل انٹیلی جنس (اے آئی) پر مبنی ٹول تیار کر رہے ہیں جو گاڑیوں کے حادثات کے بعد پہنچنے والے نقصانات کا درست اندازہ لگا سکے گا اور مرمت کے لیے درکار اقدامات کو منظم انداز میں ترتیب دے گا۔ یہ منصوبہ یونیورسٹی آف پورٹس ماؤتھ کے اسکول آف کمپیوٹنگ، ایکسیڈنٹ ریپئر گروپ اے بی ایل 1، اور انوویٹ یو کے کے باہمی اشتراک سے مکمل کیا جا رہا ہے۔ اس جدید اے آئی سسٹم کو برطانیہ کی صف اول کی انشورنس کمپنیوں اور گاڑی فراہم کرنے والے اداروں کو فراہم کیا جائے گا۔
ایسوسی ایشن آف برٹش انشوررز کے مطابق 2024 میں 24 لاکھ گاڑی مالکان نے انشورنس کلیم کیے، جس کے نتیجے میں 11 ارب 7 کروڑ پاؤنڈز کی خطیر رقم ادا کی گئی، جو کہ 2023 کے مقابلے میں 23 فیصد زیادہ ہے۔ ان اعداد و شمار سے واضح ہوتا ہے کہ گاڑیوں کے حادثات اور ان سے متعلق اخراجات ایک سنجیدہ مسئلہ بن چکے ہیں، جس کے حل کے لیے ٹیکنالوجی کی مدد لی جا رہی ہے۔
یونیورسٹی کے اے آئی اور ڈیٹا سائنس سینٹر سے وابستہ پروفیسر محمد بدر نے اس منصوبے کی وضاحت کرتے ہوئے کہا کہ یہ سسٹم انڈسٹری کو ایک ’ٹیکنیکل بینچ مارک‘ فراہم کرے گا، جو عملی ماہر انجینئرز کو جدید مشین لرننگ اور کمپیوٹر ویژن کے امتزاج کے ساتھ کام کرنے کا موقع دے گا۔ اس سسٹم کی مدد سے انشورنس کمپنیاں نہ صرف حادثات کے نقصانات کا فوری اور درست اندازہ لگا سکیں گی بلکہ مرمت کے مراحل کو بھی تیز، مؤثر اور شفاف بنا سکیں گی۔
news3 months agoرانا ثناءاللہ کا بلاول کے بیان پر ردعمل: سندھ کے پانی کا ایک قطرہ بھی استعمال نہیں کریں گے
news3 months ago14 سالہ سدھارتھ ننڈیالا کی حیران کن کامیابی: دل کی بیماری کا پتہ چلانے والی AI ایپ تیار
news2 months agoاداکارہ علیزہ شاہ نے سوشل میڈیا سے کنارہ کشی کا اعلان کر دیا
news2 months agoماؤنٹ ایورسٹ یا مونا کیا؟ دنیا کا سب سے اونچا پہاڑ کون سا ہے؟