مشہور ایکشن فلم سکندر کو لے کر عوام میں کافی چہ مگوئیاں ہو رہی ہیں۔ کئی مداحوں نے امید باندھی تھی کہ وہ یہ فلم دیکھ کر اپنی رات یادگار بنائیں گے، لیکن جب فلم ریلیز ہوئی، تو شائقین کی توقعات کے برعکس نتائج سامنے آئے۔ کچھ ناظرین نے تو یہاں تک کہا کہ یہ فلم ایک “بدصورت بیوی” کی مانند ہے، جسے دیکھ کر عوام میں مایوسی پھیل گئی۔

مداحوں کا شدید ردعمل

سوشل میڈیا پر بھی فلم کو سخت تنقید کا سامنا ہے۔ ایک صارف نے انسٹاگرام پر تبصرہ کرتے ہوئے لکھا کہ سکندر دیکھنا “پیسے کا ضیاع” ہے، اور فلم کی کوالٹی کو “نہایت گھٹیا” قرار دیا۔

بہت سے لوگوں نے فلم کی کہانی اور پیشکش پر سوال اٹھائے۔ ایک مداح نے طنزیہ انداز میں کہا، “اس فلم میں بس سلو موشن میں آگے بڑھتا ہوا سلمان خان نظر آتا ہے، اور باقی سب کچھ مصنوعی اثرات سے بھرپور ہے۔ اگر ہم نے اسے نہ دیکھا ہوتا، تو بھی کوئی فرق نہ پڑتا۔”

فلم بینوں کی جانب سے مزید تبصرے

ایک اور فلم دیکھنے والے نے کہا، سلمان خان کا وقت اب ختم ہو چکا ہے! جبکہ ایک اور ناظر نے پیش گوئی کی، یہ فلم بری طرح فلاپ ہو جائے گی، تھیٹر خالی پڑے ہیں۔

سینما گھروں کے باہر موجود لوگوں کا ردعمل بھی زیادہ مختلف نہ تھا۔ ایک شخص نے مایوسی کا اظہار کرتے ہوئے کہا، یہ سلمان خان کی زندگی کی سب سے بیکار فلم تھی، اور ان کی اداکاری بھی پہلے کی طرح فضول تھی۔

مجموعی کارکردگی

تنقید کے باوجود، سلمان خان اور راشمیکا مندنا کی فلم سکندر نے ریلیز کے پہلے دن 26 کروڑ کا بزنس کیا، اور اب تک مجموعی طور پر 84.25 کروڑ کا کلیکشن کر چکی ہے۔ تاہم، فلم کی طویل مدتی کامیابی کے بارے میں ابھی کچھ کہنا قبل از وقت ہوگا۔

پاکستان کے سپر اسٹار فواد خان تقریباً 9 سال بعد بالی ووڈ میں واپسی کے لیے تیار ہیں۔ وہ رومانوی کامیڈی فلم ’ابیر گلال‘ میں وانی کپور کے ساتھ مرکزی کردار ادا کریں گے۔

اس رومانوی کامیڈی فلم کا ٹیزر یکم اپریل 2025 کو جاری کیا گیا، جس میں فواد خان اپنی جادوئی آواز اور دلکش آنکھوں سے وانی کپور کو متاثر کرتے ہوئے نظر آتے ہیں۔ یہ فلم 9 مئی 2025 کو سینما گھروں کی زینت بنے گی۔

منٹ 2 سیکنڈ کے اس ٹیزر کا آغاز ایک سوال سے ہوتا ہے: ’آخری بار آپ کب محبت میں گرفتار ہوئے تھے؟‘ اس کے بعد فواد اور وانی کو ایک کار میں دکھایا گیا ہے، جہاں فلم 1942: اے لو اسٹوری کا گانا ’کچھ نہ کہو‘ ریڈیو پر چلتا ہوا نظر آتا ہے۔ فواد اس گانے کو گنگناتے ہیں، اور وانی فواد کی آواز کے سحر میں مبتلا ہو جاتی ہیں۔

یہ فلم لندن میں بنائی گئی ایک خوبصورت لو اسٹوری ہے، جس کی ہدایتکاری آرتی ایس بگڈی نے کی ہے، جبکہ پروڈیوسرز میں ویوک بی اگروال، اوانٹیکا ہری، اور راکیش سپی شامل ہیں۔

فلم میں فواد اور وانی کے ساتھ لیزا ہیڈن، رِدھی ڈوگرا، فریدہ جلال، سونی رازدان، پرمیت سیٹھی، اور دیگر اداکار بھی شامل ہیں۔