انا للہ وانا الیہ راجعون۔

اللّٰہ تعالیٰ مرحومہ کو جوارِ رحمت میں جگہ عطا فرمائے اور اہل خانہ کو صبر جمیل دے، آمین۔ آرمی چیف جنرل سید عاصم منیر کی والدہ کے انتقال پر مختلف سیاسی و عسکری شخصیات نے گہرے دکھ اور افسوس کا اظہار کیا۔ وزیراعظم شہباز شریف نے اپنے تعزیتی پیغام میں کہا کہ وہ غمزدہ خاندان کے ساتھ برابر کے شریک ہیں اور مرحومہ کے درجات کی بلندی کے لیے دعاگو ہیں۔ اسی طرح، سینیٹر سلیم مانڈوی والا نے بھی آرمی چیف اور ان کے اہل خانہ سے اظہار تعزیت کرتے ہوئے دلی ہمدردی کا اظہار کیا

عالمی مالیاتی ادارے (آئی ایم ایف) نے پاکستان کو مقامی بینکوں سے 12 کھرب 50 ارب روپے قرض لینے کی اجازت دے دی ہے۔ میڈیا رپورٹس کے مطابق، آئی ایم ایف نے یہ فیصلہ اس لیے کیا ہے تاکہ پاکستان سرکاری قرضوں میں اضافہ کیے بغیر گردشی قرضے کو کم کر سکے۔ یہ فیصلہ حال ہی میں پاکستانی اور آئی ایم ایف حکام کے درمیان ہونے والے پالیسی مذاکرات کے اختتام پر سامنے آیا۔

مذاکرات کے دوران، اسلام آباد نے اپنے پاور سیکٹر میں 24 کھرب روپے کے گردشی قرضے کا بوجھ کم کرنے کے لیے ایک 6 سالہ روڈ میپ پیش کیا۔ حکومت کا مقصد بینک قرضوں اور سرچارج سے حاصل ہونے والی آمدنی کا استعمال کرتے ہوئے 15 کھرب روپے کا قرضہ واپس کرنا ہے۔ اس کے علاوہ، خود مختار پاور پروڈیوسرز کے ساتھ حالیہ مذاکرات کے ذریعے 463 ارب روپے کی بچت کا بھی امکان ہے۔

یہ بھی بتایا جا رہا ہے کہ آئی ایم ایف اور پاکستان کے درمیان پہلے اقتصادی جائزے پر مذاکرات کامیابی سے مکمل ہوگئے ہیں۔ آئی ایم ایف نے پاکستان کے بارے میں ایک اعلامیہ بھی جاری کیا، جس میں کہا گیا کہ قرضوں کی ادائیگی کے انتظام پر بات چیت ہوئی ہے۔ 37 ماہ کے پروگرام کے پہلے جائزے کے لیے سٹاف لیول معاہدے کی طرف پیشرفت کی گئی، اور پاکستان کے ساتھ قرضوں کی ادائیگی کے انتظام اور توانائی کے شعبے پر بھی گفتگو ہوئی۔