پاکستان کی معروف اداکارہ ماہرہ خان کی ایک ڈانس ویڈیو سوشل میڈیا پر وائرل ہو رہی ہے، جس میں وہ اپنے شوہر سلیم کریم کے ساتھ نظر آ رہی ہیں۔

یہ پرفارمنس ماہرہ خان اور سلیم کریم نے اپنے قریبی دوست، پاکستانی فرانسیسی اداکار سکندر رضوی کی شادی کے موقع پر پیش کی، جس کی خوبصورتی سوشل میڈیا پر زیر بحث ہے۔

ویڈیو میں ماہرہ خان کو اپنے شوہر کے ساتھ رومانوی انداز میں ڈانس کرتے ہوئے دیکھا جا سکتا ہے۔ اس موقع پر اداکارہ نے سیاہ رنگ کا شرارہ پہنا ہوا ہے جبکہ ان کے شوہر نے شیروانی زیب تن کی ہوئی ہے۔

سوشل میڈیا پر اس ویڈیو پر صارفین اور ماہرہ خان کے مداحوں کی جانب سے دلچسپ تبصرے کیے جا رہے ہیں، لیکن کچھ لوگ اداکارہ کے بولڈ لباس کی وجہ سے تنقید بھی کر رہے ہیں۔

پاکستان کی معروف اداکارہ مہوش حیات نے کہا ہے کہ وہ اداکاری کے بعد اب موسیقی کی دنیا میں قدم رکھنے کا ارادہ رکھتی ہیں۔

ایک انٹرویو میں مہوش حیات نے بتایا کہ جلد ہی ان کے دو نئے گانے ریلیز ہونے والے ہیں، جن میں سے ایک معروف بھارتی پاپ گلوکار ہنی سنگھ کے ساتھ ہوگا۔

اداکارہ نے یہ بھی کہا کہ وہ اب موسیقی پر زیادہ توجہ دے رہی ہیں اور امید کرتی ہیں کہ ان کے مداحوں کو ان کے گانے پسند آئیں گے۔

مہوش حیات نے مزید بتایا کہ انہوں نے اپنی ایک فلم مکمل کر لی ہے جو عید الا ضحیٰ پر نمائش کے لیے پیش کی جائے گی، تاہم انہوں نے فلم کا نام نہیں بتایا۔

یاد رہے کہ کچھ دن پہلے مہوش حیات نے کہا تھا کہ وہ اب شادی کے بارے میں سنجیدگی سے سوچ رہی ہیں، لیکن ابھی تک انہیں اپنا جیون ساتھی نہیں ملا۔

واضح رہے کہ حال ہی میں مہوش حیات بھارتی گلوکار ہنی سنگھ کے گانے میں ان کے ساتھ بطور اداکارہ پرفارم کرتی نظر آئیں تھیں۔