بےسُری گائیکی سے سوشل میڈیا پر وائرل ہونے والے چاہت فتح علی خان نے نیا گانا ریلیز کردیا ہے۔

اس بار چاہت فتح علی خان نے بالی ووڈ کے کنگ شاہ رُخ خان کے مشہور گانے چھائیاں چھائیاں کو گنگناتے ہوئے سوشل میڈیا پر صارفین کی توجہ حاصل کرنے کی کوشش کی ہے۔

سوشل میڈیا پر دیکھتے ہی دیکھتے چاہت فتح علی خان کے اس گانے کا کلپ وائرل ہو رہا ہے، جس پر صارفین کی جانب سے دلچسپ اور مزاحیہ ردعمل سامنے آ رہے ہیں۔

ایک صارف نے دعا کی کہ ’کاش رمضان میں چاہت فتح علی خان بھی شیطان کی طرح کہیں بند ہوجائیں‘۔

ایک اور صارف نے لکھا کہ ’اس گانے کے رائٹر کو چاہت فتح علی خان پر قانونی مقدمہ کرنا چاہیے کیونکہ انہوں نے گانے کے بول چوری کیے ہیں‘۔ ایک اور سوشل میڈیا صارف نے چاہت فتح علی خان کو تنقید کا نشانہ بناتے ہوئے لکھا ’مجھے افسوس ہے کہ میں سُن سکتی ہوں، کاش میں بہری ہوتی‘۔

چاہت فتح علی خان اس سے قبل بدو بدی گانے کی وجہ سے سوشل میڈیا پر مشہور ہوئے تھے، جبکہ انہیں صارفین کی جانب سے تنقید کا بھی سامنا کرنا پڑا تھا۔

بالی ووڈ اور ہالی ووڈ کی اداکارہ و ماڈل پریانکا چوپڑا نے ضرورت مند کی مدد کر کے اپنے مداحوں کا دل جیت لیا ہے۔

پریانکا حال ہی میں اپنے بھائی کی شادی کے بعد واپس امریکہ جانے کے لیے ممبئی پہنچی ہیں، جہاں پاپرازی نے ان کی تصاویر اور ویڈیوز بنائیں۔

یہ ویڈیوز سوشل میڈیا پر وائرل ہو رہی ہیں، جن میں سے ایک ویڈیو نے خاص طور پر صارفین کی توجہ حاصل کی ہے۔

اس ویڈیو میں دیکھا جا سکتا ہے کہ اداکارہ اپنی گاڑی میں بیٹھ کر روانہ ہوتی ہیں، لیکن ان کی گاڑی سگنل پر رک جاتی ہے۔ اس موقع پر پریانکا کھڑکی سے ہاتھ باہر نکال کر ایک فقیر کو پیسے دیتی ہیں۔

پریانکا کے اس عمل پر سوشل میڈیا صارفین اور ان کے مداحوں کی جانب سے انہیں خوب سراہا جا رہا ہے، اور ضرورت مند کی مدد کرنے پر لوگ ان کی دریا دلی کی تعریف کر رہے ہیں۔

یاد رہے کہ پریانکا چوپڑا جلد ہی فلم SSMB 29 میں مہیش بابو کے ساتھ اداکاری کرتی نظر آئیں گی۔