رواں ماہ سے نظام شمسی کے 6 سیارے ایک قطار میں نظر آئیں گے۔

ماہرین فلکیات کے مطابق مریخ، زہرہ، زحل، مشتری، یورینس اور نیپچون آج سے ایک قطار میں نظر آئیں گے، جبکہ 28 فروری تک ان میں عطارد بھی شامل ہو جائے گا۔

مریخ، مشتری، زحل اور زہرہ کو براہ راست آنکھ سے دیکھا جا سکے گا۔

اس عمل کے دوران سیاروں کا قریب سے جائزہ لینے کے لیے خلائی دوربین کا استعمال کیا جا سکتا ہے۔ سیاروں کا اس طرح ایک قطار میں ہونا ’سیاروں کی پریڈ‘ کہلاتا ہے۔

برطانیہ میں ففتھ سٹار لیبز کی سائنس کمیونیکیٹر اور ماہر فلکیات، جینیفر میلارڈ نے کہا کہ سیاروں کو اپنی آنکھوں سے دیکھنا ایک منفرد تجربہ ہے۔

انہوں نے کہا کہ یہ درست ہے کہ آپ گوگل پر جا کر ان تمام سیاروں کا مزید شاندار نظارہ حاصل کر سکتے ہیں، لیکن جب آپ ان سیاروں کو براہ راست دیکھتے ہیں تو اس کا مطلب یہ ہے کہ فوٹانز (روشنی کے ذرات) نے صرف آنکھوں کے پردوں کو چھونے کے لیے خلا سے لاکھوں یا اربوں میل کا سفر کیا ہے۔

واضح رہے کہ نایاب 7 سیاروں کی پریڈ فروری کے آخر میں شروع ہوگی۔

بالی ووڈ کے اسٹار اکشے کمار نے یہ انکشاف کیا ہے کہ انہیں فلم بھول بھلیاں کے سیکوئل سے نکال دیا گیا تھا۔

بھارتی میڈیا کے مطابق، اکشے کمار نے حال ہی میں ایک ایونٹ کے دوران مداحوں کے سوالات کے دلچسپ جوابات دیے، جہاں انہوں نے کامیڈی فلموں میں کم کام کرنے اور فلم ’بھول بھلیاں‘ کے سیکوئلز میں نظر نہ آنے کی حیران کن وجہ بھی بتائی۔

ایک مداح نے ان سے سوال کیا کہ وہ گزشتہ 10 سال میں کامیڈی فلموں میں کم کیوں نظر آئے؟ اس پر اکشے نے کہا کہ یہ بات درست ہے کہ انہوں نے حالیہ برسوں میں زیادہ تر سماجی مسائل پر مبنی فلموں پر توجہ دی۔ انہوں نے وضاحت کی کہ وہ کامیڈی میں پہلے ہی کافی کام کر چکے تھے اور کچھ نیا کرنے کے لیے سماجی موضوعات کو اپنایا۔

انہوں نے مزید بتایا کہ وہ اب دوبارہ کامیڈی کی طرف لوٹ رہے ہیں اور اس وقت ’بھوت بنگلا‘، ’ویلکم‘ اور ’ہاؤس فل 5‘ جیسی تین بڑی کامیڈی فلموں کی شوٹنگ کر رہے ہیں۔

جب اکشے سے ’بھول بھلیاں‘ کے سیکوئلز میں شامل نہ ہونے کی وجہ پوچھی گئی تو اکشے نے انکشاف کیا کہ انہیں اس فلم سے نکال دیا گیا تھا، تاہم اداکار نے اس فیصلے کی کوئی خاص وجہ نہیں بتائی۔