Connect with us

news

گیس مزید مہنگی، اوگرا نے قیمتوں میں اضافے کی منظوری دے دی

Published

on

گیس مزید مہنگی کردی گئی، اوگرا نے گیس کمپنیوں کی درخواست پر گیس کی قیمتوں میں اضافے کی منظوری دے دی۔ جاری کردہ اعلامیے کے مطابق سوئی نادرن کیلئے گیس کی قیمت میں 8.71 فیصد اور سوئی سدرن کیلئے 25.78 فیصد اضافے کی منظوری دی گئی ہے۔

اوگرا کے مطابق سوئی نادرن کیلئے گیس کی اوسط قیمت 1778 روپے 35 پیسے فی ایم ایم بی ٹی یو جبکہ سوئی سدرن کیلئے 1762 روپے 51 پیسے فی ایم ایم بی ٹی یو مقرر کی گئی ہے۔

گیس کی قیمتوں میں اضافے کا یہ فیصلہ وفاقی حکومت کو بھیج دیا گیا ہے۔ حتمی منظوری وفاقی حکومت کی جانب سے ایڈوائس کے بعد دی جائے گی، جس کے بعد ہی اوگرا قیمتوں میں اضافے کا نوٹیفکیشن جاری کرے گا۔

واضح رہے کہ ادارہ شماریات کے مطابق نومبر 2023 میں گیس کے نرخوں میں 520 فیصد اور فروری 2024 میں 319 فیصد اضافہ کیا گیا تھا۔ بجلی کے نرخوں میں بھی اسی عرصے کے دوران 35 فیصد اور 75 فیصد اضافہ ہوا، جس سے مہنگائی کی مجموعی شرح میں غیر معمولی اضافہ ہوا۔

عالمی مالیاتی فنڈ (آئی ایم ایف) نے گیس کے ششماہی ٹیرف کی ایڈجسٹمنٹ کی شرط رکھتے ہوئے حکومت کو 15 فروری 2025 تک گیس کی قیمتوں میں اضافے کا نوٹیفکیشن جاری کرنے کی ڈیڈ لائن دی ہے۔ ذرائع کے مطابق اوگرا نے یہ فیصلہ تاحال وفاقی حکومت کو نہیں بھجوایا، اور حتمی فیصلہ وفاقی حکومت کی منظوری کے بعد ہوگا

news

وزیراعلیٰ مریم نواز شریف کا پنجاب میں تجاوزات کا خاتمہ اور گورننس کی بہتری کے احکامات

Published

on

مریم نواز شریف

وزیراعلیٰ پنجاب مریم نواز شریف نے صوبے بھر میں تجاوزات کے خاتمے کے لیے ایک ہفتے کی ڈیڈ لائن دی ہے اور ڈپٹی کمشنرز کو کرپشن کے خلاف مؤثر کریک ڈاؤن کرنے کے ساتھ ساتھ بہتر انتظامی نظام ڈیزائن کرنے کا ہدف دیا ہے۔

مریم نواز شریف نے ہر شہر میں سرکاری اراضی پر اربن فاریسٹ بنانے، “نو ٹو پلاسٹک” مہم کو کامیاب بنانے اور میرج ایکٹ کی خلاف ورزی پر زیرو ٹالرنس اپنانے کے احکامات دیے۔ پالتو کتوں کے لیے کالر پہننا لازمی قرار دیا گیا ہے، اور خلاف ورزی پر جرمانہ اور قانونی کارروائی ہوگی۔

وزیراعلیٰ نے سڑکوں پر بائیک لین بنانے اور بائیکرز کے لیے حفاظتی اقدامات (ہیلمٹ، بیک لائٹ اور انڈیکیٹرز) لازمی قرار دینے کی ہدایت کی۔ اسکولوں کے باہر بچوں کے لیے زیبرا کراسنگ اور اسکول وینز کے فٹنس سرٹیفکیٹ پر سختی سے عملدرآمد کا حکم دیا۔

شہری مسائل پر برہمی کا اظہار کرتے ہوئے وزیراعلیٰ نے ہدایت کی کہ سڑکوں پر کھڑے گندے پانی کو فوری طور پر صاف کیا جائے، خیمہ بستیوں کو متبادل مقامات پر منتقل کیا جائے، اور ریڑھی بازار کے لیے منظور شدہ ڈیزائن اور جگہوں پر سختی سے عمل کیا جائے۔

وزیراعلیٰ نے ہر شہر کے بس اسٹینڈز کو ماڈل بنانے، صفائی، پینے کے صاف پانی کی فراہمی، اور آرام دہ نشستوں کا انتظام کرنے کی ہدایت دی۔ انہوں نے تمام شہروں کے لیے سیوریج اور سینیٹیشن کے جامع پلان لانے کا اعلان بھی کیا۔

انہوں نے سرگودھا میں صفائی مہم شروع کرنے اور عوامی شکایات کے فوری ازالے کا حکم دیا۔ تجاوزات کے دوبارہ نظر آنے کو انتظامیہ کی ناکامی قرار دیتے ہوئے انہوں نے سخت ایکشن لینے کی وارننگ دی۔

وزیراعلیٰ مریم نواز شریف نے پبلک پارکس کی بہتری، سالڈ ویسٹ مینجمنٹ کے مؤثر استعمال، سٹریٹ لائٹس کی فعالیت، اور منشیات کے عادی افراد کے خاتمے کے لیے بھی احکامات جاری کیے۔

جاری رکھیں

news

پیپلز پارٹی کی انٹرنیٹ بندش پر حکومت پر شدید تنقید

Published

on

پاکستان پیپلز پارٹی

قومی اسمبلی کے اجلاس میں پاکستان پیپلز پارٹی کے رہنماؤں نے انٹرنیٹ کی سست رفتاری اور بندش پر حکومت کو آڑے ہاتھوں لیا۔

پیپلز پارٹی کی رکن قومی اسمبلی شازیہ مری نے اظہارِ خیال کرتے ہوئے کہا، ’’انٹرنیٹ کی رفتار کا ستیاناس کر دیا گیا ہے۔ وزارتِ آئی ٹی بدحالی کا شکار ہے۔ یہ کون سی فائر وال ہے؟ اس صورتحال میں ڈیجیٹل نیشن پاکستان بل لانے پر مجھے ہنسی آتی ہے۔‘‘

دوسری جانب، پیپلز پارٹی کے ایم این اے عبدالقادر پٹیل نے کہا، ’’انٹرنیٹ کا اتنا برا حال کیوں کیا گیا؟ آئی ٹی سے جڑے لوگوں کا اربوں روپے کا نقصان ہو گیا ہے۔ اتنی بدحالی کسی وزارت میں پہلے کبھی نہیں دیکھی۔‘‘

اس پر پارلیمانی سیکرٹری برائے آئی ٹی ساجد مہدی نے وضاحت دیتے ہوئے کہا، ’’پاکستان میں سکیورٹی مسائل کی وجہ سے وزارتِ داخلہ کی ہدایت پر انٹرنیٹ بند کیا جاتا ہے۔ اس کا وقت بھی وزارتِ داخلہ طے کرتی ہے۔ ہم تب تک کچھ نہیں کر سکتے جب تک وزارتِ داخلہ حالات کو ٹھیک قرار نہ دے۔‘‘

وزیر مملکت برائے انفارمیشن ٹیکنالوجی شزہ فاطمہ خواجہ نے بھی اس معاملے پر بات کرتے ہوئے کہا، ’’انٹرنیٹ بند ہونے سے نہ ہمیں خوشی ہوتی ہے اور نہ کوئی فائدہ۔ ہم نے صوبائی وزرائے داخلہ کے ساتھ مشاورت کر کے صرف ٹارگٹ علاقوں میں انٹرنیٹ بند کیا، پورے ملک کو متاثر نہیں کیا۔ اگر اظہارِ رائے پر پابندی لگانی ہوتی تو ٹک ٹاک اور فیس بک بھی بند ہوتے۔ ہمیں یوزرز کو پیش آنے والی مشکلات پر افسوس ہے اور میں معذرت خواہ ہوں۔

جاری رکھیں

Trending

backspace
caps lock enter
shift shift
صحافت نیوز کی بورڈ Sahafatnews.com   « » { } ~