بالی ووڈ کے معروف اداکار اکشے کمار اپنی نئی فلم میں ’’کتھاکلی‘‘ ڈانس کے ذریعے اپنے مداحوں کو محظوظ کرنے والے ہیں۔

اکشے کمار نے اپنی فلم ’کیسری 2‘ کے لیے کتھاکلی کے رقاص کا شاندار انداز اپنایا ہے۔ انہوں نے انسٹاگرام پر اپنی ایک تصویر شیئر کرتے ہوئے لکھا، ’’یہ صرف ایک کاسٹیوم نہیں، بلکہ یہ ایک علامت ہے، روایت کی، مزاحمت کی، سچائی کی اور میرے ملک کی۔‘‘

اس فلم میں اکشے کمار وکیل اور سیاستدان سی شنکرن نائر کا کردار نبھا رہے ہیں، جو جلیانوالہ باغ کے قتل عام کے بعد انصاف کی تلاش میں برطانوی سلطنت کے خلاف قانونی جنگ لڑتے ہیں۔ کتھاکلی آرٹ میں سبز چہرہ (پچا) عظیم شخصیات، فلسفیوں اور بادشاہوں کی علامت مانا جاتا ہے۔

3 اپریل کو ریلیز ہونے والے فلم کے ٹریلر میں ہندوستان کی تاریخ کی ایک اہم قانونی لڑائی کو پیش کیا گیا ہے۔ فلم کے مطابق، ’’18 اپریل کو ہم آپ کے سامنے وہ عدالتی مقدمہ لے کر آ رہے ہیں جو کسی نصابی کتاب میں نہیں پڑھایا گیا۔‘‘

یہ تصویر دیکھ کر مداح اکشے کمار کے اس نئے اور منفرد انداز پر دیوانہ ہوگئے ہیں۔ یاد رہے کہ ’کیسری 2‘ سنیما گھروں میں 18 اپریل کو ریلیز ہوگی۔

پاکستانی اداکاراؤں میں سے جنہیں فلم “حنا” میں ہیروئن کے کردار کی پیشکش ہوئی، ان میں شہناز شیخ، مرینہ خان، اور لیلیٰ زبیری شامل تھیں۔ یہ دلچسپ بات لیلیٰ زبیری نے ایک پوڈ کاسٹ میں شیئر کی، جہاں انہوں نے بتایا کہ راج کپور نے خود انہیں اس کردار کی آفر کی تھی۔

لیلیٰ زبیری نے اپنی ملاقات کا ذکر کرتے ہوئے کہا کہ یہ 1986 کی بات ہے جب شارجہ کرکٹ کپ کے دوران ان کی راج کپور سے ملاقات ہوئی۔ اس موقع پر، وہ یہ محسوس کر رہی تھیں کہ راج کپور پاکستانی اداکاروں کی صلاحیتوں سے خاصے متاثر تھے۔

اداکارہ نے مزید بتایا کہ اس وقت پاکستانی ڈرامے پونا اکیڈمی میں اداکاری سکھانے کے لیے دکھائے جاتے تھے۔ اسی ملاقات کے دوران، راج کپور نے انہیں “حنا” میں کام کرنے کی پیشکش کی، جو کہ پہلے شہناز شیخ اور مرینہ خان کو بھی کی گئی تھی۔

لیلیٰ زبیری نے کہا کہ انہوں نے راج کپور کی پیشکش کو شکریہ کے ساتھ مسترد کر دیا۔ ان کا کہنا تھا کہ ان کے شوہر پاک فوج کے افسر تھے، اور انہیں یہ مناسب نہیں لگا کہ وہ بھارت جا کر کام کریں۔

یاد رہے کہ بعد میں فلم “حنا” میں ہیروئن کا کردار پاکستانی اداکارہ زیبا بختیار نے ادا کیا، اور یہ فلم واقعی ایک بلاک بسٹر ثابت ہوئی۔