معروف اداکارہ علیزے شاہ نے ناقدین کو ایک دلچسپ انداز میں جواب دیا ہے۔

تفصیلات کے مطابق، علیزے شاہ کی ایک ویڈیو سوشل میڈیا پر وائرل ہو رہی ہے، جس میں وہ اپنے ناقدین سے بات کر رہی ہیں۔

دیوار کے ساتھ ٹیک لگا کر بیٹھی علیزے نے ویڈیو میں کہا کہ “میں جتنا خاموش رہ سکتی تھی، رہ لی۔” پھر انہوں نے ایک غیر اخلاقی اشارہ کرتے ہوئے کہا، “اب میری بس ہوگئی ہے، لہذا اپنے کام سے کام رکھیں اور مجھے میری زندگی جینے دیں۔”

علیزے نے ویڈیو میں اپنے سپورٹرز کا شکریہ ادا کرتے ہوئے کہا، “میں ان لوگوں سے محبت کرتی ہوں جو اب بھی مجھ سے پیار کرتے ہیں۔”

یہ بات بھی قابل ذکر ہے کہ علیزے شاہ اپنی بولڈ تصاویر اور ویڈیوز کے لیے مشہور ہیں، جس کی وجہ سے انہیں سوشل میڈیا پر سخت تنقید کا سامنا کرنا پڑتا ہے۔

اس ویڈیو پر بھی کچھ صارفین نے انہیں تنقید کا نشانہ بنایا اور اخلاقیات کو برقرار رکھنے کا مشورہ دیا۔

ابھرتی ہوئی اداکارہ نمرہ خان نے سوشل میڈیا پر اپنے مداحوں کے سوالات کے جواب دیتے ہوئے اپنی دوسری شادی کا اشارہ دیا ہے۔

نمرہ خان نے اپنی شاندار اداکاری کی بدولت شوبز کی دنیا میں ایک خاص مقام بنایا ہے اور وہ سوشل میڈیا پلیٹ فارمز پر اپنے مداحوں کے ساتھ ہمیشہ جڑی رہتی ہیں۔

اسی وجہ سے ان کی زندگی کے بہت سے پہلو کسی سے پوشیدہ نہیں ہیں۔ جب انہوں نے لاک ڈاؤن کے دوران خاموشی سے نکاح کیا تھا، تو یہ خوشخبری بھی انہوں نے خود اپنے مداحوں کو سنائی تھی۔

اپریل 2020 میں ہونے والی یہ شادی زیادہ دیرپا نہیں رہی اور ایک سال بعد ہی دونوں کے درمیان طلاق ہوگئی تھی۔

اب، انسٹاگرام پر ایک مداح کے سوال کے جواب میں نمرہ خان نے جلد دوسری شادی کا اشارہ دیا ہے۔

نمرہ خان کے اس اعلان کے بعد سوشل میڈیا صارفین نے سوالات کی بھرمار کر دی اور زیادہ تر نے دلہا کے بارے میں جاننے کی خواہش ظاہر کی۔

ایسا لگتا ہے کہ نمرہ خان دلہا کے معاملے میں کچھ راز رکھنا چاہتی ہیں، اس لیے انہوں نے ان سوالات کا جواب نہیں دیا۔

اب نمرہ خان کس سے شادی کرنے والی ہیں، اس کا انتظار ان کے مداحوں کو کرنا ہوگا۔