news
کرم: قبائل میں تصادم سے 11 افراد ہلاک متعدد زخمی
خیبر پختون خواہ کے ضلع کرم میں دو قبائل کے درمیان شدید لڑائی اور تصادم کے باعث 11 افراد ہلاک اور متعدد زخمی ہو گئے
ڈپٹی کمشنر جاوید اللہ محسود کا کہنا ہے کہ قبائل کے درمیان فائرنگ کا یہ واقعہ کنج علی زئی میں پیش آیا جس کے باعث 11 افراد جاں بحق اور چھ زخمی ہو گئے فائرنگ سے زخمی ہونے والوں کو ہسپتال منتقل کر دیا گیا ہے
پولیس ذرائع کے مطابق علاقے میں پولیس سکیورٹی فورسز کی نفری پہنچ گئی ہے فائرنگ کے واقعات کی تحقیقات کی جا رہی ہیں
ذرائع کے مطابق ضلع میں راستوں کو محفوظ بنانے اور حالات کو معمول پر لانے کی بھرپور کوشش کی جا رہی ہے
سابق ایم این اے اور جرگہ کے رکن پیر حیدر علی شاہ نے کہا کہ جرگہ کے اراکین قبائل کے درمیان امن معاہدے کے لیے پہلے سے ہی موجود ہیں کرم میں پہلے بھی کئی مرتبہ قبائلوں کے درمیان تصادم ہوتے رہے ہیں جس کے نتیجے میں درجنوں افراد ہلاک اور زخمی ہوئے ہیں
Pingback: لاہور اور کراچی :ائیر کوالٹی انڈیکس خطرناک