news
اسلام آباد : پی ائی اے دفاتر میں تین روزہ تعطیل
پی ائی اے کے اسلام آباد میں دفاتر کو تین دن بند رکھنے کا فیصلہ کیا گیا ہے
ذرائع کے مطابق پی آئی اے کی طرف سے جاری کردہ سرکلر نوٹ میں بتایا گیا ہے کہ پی آئی اےکے دفاتر اسلام آباد میں 14 سے 16 اکتوبر تک بند رہیں گے
شنگھائی تعاون تنظیم کانفرنس کے پیش نظر سرکلر کے ذریعے ہدایت کی گئی ہے کہ پی آئی اے کو تین دن کے لیے بند رکھا جائے تاہم ایئرپورٹ پر شفٹ میں کام کرنے والے ملازمین اپنا کام جاری رکھیں گے
واضح رہے کہ شنگھائی تعاون تنظیم کا اجلاس اسلام آباد میں 15 اور 16 اکتوبر کو متوقع ہے جس میں مختلف ممالک کے سربراہان شرکت کریں گے ایس سی او اجلاس کے باعث راولپنڈی اسلام آباد میں 12 سے 17 اکتوبر تک دفعہ 144 بھی نافذ کر دی گئی ہے جس کے مطابق کسی بھی قسم کے جلسے یا احتجاج کرنے پر مکمل پابندی ہے جبکہ انتظامیہ نے اسلام آباد اور راولپنڈی میں تعلیمی اداروں ریسٹورنٹس ہاسٹلز اور کیفٹیریاز کو بھی بند کرنے کا اعلان کیا ہے
Pingback: کرم: قبائل میں تصادم سے 11 افراد ہلاک متعدد زخمی