پاکستانی اداکارہ اور ماڈل علیزے شاہ ایک بار پھر تنازعات کی زد میں ہیں۔ ان کی حالیہ بولڈ تصاویر اور ویڈیوز کی وجہ سے انہیں سوشل میڈیا پر کڑی تنقید کا سامنا ہے، جس پر وہ اکثر ردعمل دیتی بھی نظر آتی ہیں۔

حال ہی میں علیزے نے سوشل میڈیا پر ایک اور ویڈیو پوسٹ کی، جس میں وہ گھٹنوں کے بل بیٹھ کر ڈانس کر رہی ہیں۔ ویڈیو میں انہوں نے مختصر اسکرٹ اور ٹاپ پہن رکھا ہے، جس کے بعد سوشل میڈیا صارفین کی جانب سے سخت الفاظ میں تنقید کی جا رہی ہے۔

بعض افراد کا کہنا ہے کہ علیزے کو والدین کی رہنمائی کی ضرورت ہے، جبکہ کچھ ان کے رویے پر مایوسی کا اظہار کر رہے ہیں۔ ناقدین نے اس ویڈیو کو ان کی “اب تک کی سب سے بولڈ” ویڈیو قرار دیا ہے، جس نے مداحوں کو حیرت میں ڈال دیا ہے۔

علیزے شاہ اپنی خوبصورتی اور شاندار اداکاری کی وجہ سے مشہور ہیں اور انسٹاگرام پر ان کے 4.3 ملین سے زائد فالوورز ہیں۔ انہوں نے “عہدِ وفا”، “میرا دل میرا دشمن”، اور “دل موم کا دیا” جیسے مشہور ڈراموں میں اپنی صلاحیتوں کا مظاہرہ کیا ہے۔

حالیہ دنوں میں، ان کا ایک ڈرامہ، جس میں وہ عفان وحید کے ساتھ نظر آ رہی ہیں، مداحوں میں کافی مقبول ہے۔ تاہم، ان کے موجودہ رویے اور ویڈیوز ان کی شخصیت پر سوالیہ نشان لگا رہے ہیں، اور ناقدین انہیں اصلاح کا مشورہ دے رہے ہیں۔

سوشل میڈیا پر اپنی بے ہنگم گلو کاری اور نقالی کی وجہ سے شہرت حاصل کرنے والے چاہت فتح علی خان نے بھارتی فلم ساز کرن جوہر کو ایک پیغام دیا۔
اپنے پیغام میں چاہت فتح علی خان نے کرن جوہر کا شکریہ ادا کیا اور کہا کہ کرن جوہر کی تعریف سن کر میں تین راتیں خوشی سے سو نہیں سکا اور اگر کرن جوہر اپنی فلم میں کام کا موقع دیں تو چاہت فتح علی بغیر معاوضے کے کام کر ے گا۔