عالمی مالیاتی ادارے (آئی ایم ایف) نے پاکستان کو مقامی بینکوں سے 12 کھرب 50 ارب روپے قرض لینے کی اجازت دے دی ہے۔ میڈیا رپورٹس کے مطابق، آئی ایم ایف نے یہ فیصلہ اس لیے کیا ہے تاکہ پاکستان سرکاری قرضوں میں اضافہ کیے بغیر گردشی قرضے کو کم کر سکے۔ یہ فیصلہ حال ہی میں پاکستانی اور آئی ایم ایف حکام کے درمیان ہونے والے پالیسی مذاکرات کے اختتام پر سامنے آیا۔

مذاکرات کے دوران، اسلام آباد نے اپنے پاور سیکٹر میں 24 کھرب روپے کے گردشی قرضے کا بوجھ کم کرنے کے لیے ایک 6 سالہ روڈ میپ پیش کیا۔ حکومت کا مقصد بینک قرضوں اور سرچارج سے حاصل ہونے والی آمدنی کا استعمال کرتے ہوئے 15 کھرب روپے کا قرضہ واپس کرنا ہے۔ اس کے علاوہ، خود مختار پاور پروڈیوسرز کے ساتھ حالیہ مذاکرات کے ذریعے 463 ارب روپے کی بچت کا بھی امکان ہے۔

یہ بھی بتایا جا رہا ہے کہ آئی ایم ایف اور پاکستان کے درمیان پہلے اقتصادی جائزے پر مذاکرات کامیابی سے مکمل ہوگئے ہیں۔ آئی ایم ایف نے پاکستان کے بارے میں ایک اعلامیہ بھی جاری کیا، جس میں کہا گیا کہ قرضوں کی ادائیگی کے انتظام پر بات چیت ہوئی ہے۔ 37 ماہ کے پروگرام کے پہلے جائزے کے لیے سٹاف لیول معاہدے کی طرف پیشرفت کی گئی، اور پاکستان کے ساتھ قرضوں کی ادائیگی کے انتظام اور توانائی کے شعبے پر بھی گفتگو ہوئی۔

وزیرِ اعلیٰ بلوچستان میر سرفراز بگٹی کی صدارت میں کابینہ کا اجلاس ہوا، جس میں صوبائی کابینہ نے جعفر ایکسپریس اور نوشکی میں حالیہ دہشت گردی کے واقعات کی سخت مذمت کی۔

کابینہ نے سیکیورٹی فورسز کی فوری کارروائی اور ان کے بہادر جوانوں کی قربانیوں کو سراہا، جو ان واقعات میں شہید ہوئے۔

یہ بات بھی قابل ذکر ہے کہ بلوچستان کابینہ کی تشکیل میں ڈیڑھ ماہ سے زیادہ کا وقت لگ چکا ہے۔

کابینہ نے علماء کی ٹارگٹ کلنگ پر بھی اپنی تشویش کا اظہار کیا۔

اجلاس میں سب نے متفقہ طور پر یہ عزم کیا کہ بلوچستان کابینہ اور عوام دہشت گردی کے خلاف جنگ میں سیکیورٹی فورسز کے ساتھ کھڑے ہیں۔

اس موقع پر، بلوچستان کابینہ نے چیف منسٹر یوتھ اسکلز ڈیولپمنٹ پروگرام کو سیلز ٹیکس سے مستثنیٰ قرار دینے کا فیصلہ کیا۔

کابینہ نے خصوصی کمیٹی کی سفارش پر ذخیرہ شدہ گندم کو اوپن مارکیٹ میں فروخت کرنے کی اجازت بھی دے دی ہے۔

مزید برآں، بلوچستان ویمن اکنامک امپاورمنٹ انڈومنٹ فنڈ کی یوٹیلائزیشن پالیسی کی منظوری دی گئی، جس کے تحت خواتین کو معاشی استحکام اور ترقی کے مواقع فراہم کرنے کے لیے بلا سود قرضے دیے جائیں گے۔

کابینہ نے کام کی جگہ پر خواتین کو ہراسانی سے تحفظ دینے کے قانون میں ترمیم کی بھی منظوری دی ہے۔