news
فیشن ٹرینڈ فرشی شلوار، کس پر جچے گی؟ ماریہ بی کی وضاحت
سوشل میڈیا پر آج کل فرشی شلوار کا فیشن خاصا زیر بحث ہے، لیکن کیا یہ ہر کسی کے لیے موزوں ہے؟ معروف فیشن ڈیزائنر ماریہ بی نے اپنی نئی ویڈیو میں اس بارے میں کچھ اہم نکات پیش کیے ہیں۔
جہاں فرشی شلوار کا یہ فیشن سوشل میڈیا پر میمز کی دنیا میں بھی جگہ بنا چکا ہے، وہیں بہت سی خواتین عید الفطر کے موقع پر اسے اپنانے کی سوچ رہی ہیں۔ مگر یہ بات یاد رکھنی چاہیے کہ ہر جسمانی ساخت کی خواتین کے لیے یہ فیشن مناسب نہیں ہے۔
ماریہ بی نے ایک ویڈیو پیغام میں وضاحت کی کہ کون سی خواتین اس ٹرینڈ کو اپنا سکتی ہیں اور کون نہیں۔ انہوں نے کہا کہ یہ فیشن زیادہ تر لمبی اور پتلی لڑکیوں کے لیے ہے، خاص طور پر نوجوانوں کے لیے۔ ماریہ نے اپنی بیٹی کو اس اسٹائل میں دیکھنے کی خواہش کا اظہار کیا، لیکن چونکہ وہ خود 43 سال کی ہیں، اس لیے وہ اس فیشن کو نہیں اپنائیں گی۔
ماریہ نے مزید کہا کہ بڑی عمر کی خواتین، خاص طور پر چھوٹے قد اور صحت مند جسم والی خواتین پر یہ اسٹائل اچھا نہیں لگے گا۔ البتہ، لمبی اور پتلی نوجوان لڑکیاں اس میں زیادہ اسٹائلش نظر آئیں گی۔
چونکہ ماریہ خود بھی صحت مند جسم کی مالک ہیں، انہوں نے اپنی ویڈیو میں 4 مختلف سوٹ دکھائے، جن میں دو فرشی شلوار اور دو سگریٹ پینٹ شامل تھے، جس سے واضح ہوا کہ ماریہ نے خود بھی اس فیشن کو مختلف انداز میں پیش کیا ہے۔
ماہرین فلکیات نے سیارہ زحل کے گرد چکر لگانے والے 128 نئے چاندوں کی دریافت کی ہے، جس کے بعد ان کی کل تعداد 274 ہوگئی ہے۔
اس نئی تعداد نے یہ سوال بھی اٹھایا ہے کہ آخر زحل کے پاس اتنے زیادہ چاند کیوں ہیں؟
سائنسدانوں کا کہنا ہے کہ اس معاملے کی مزید تحقیقات سے ہمیں نظام شمسی کے ارتقاء کے بارے میں قیمتی معلومات حاصل ہو سکتی ہیں۔
اب زحل کے چاندوں کی تعداد 274 ہے، جو کہ مشتری کے چاندوں سے تقریباً تین گنا زیادہ ہے اور دوسرے سیاروں کے گرد موجود چاندوں کی مجموعی تعداد سے بھی زیادہ ہے۔
واشنگٹن میں کارنیگی انسٹی ٹیوٹ فار سائنس کے ماہر فلکیات اسکاٹ شیپارڈ نے کہا کہ زحل واقعی چاندوں کا بادشاہ ہے۔
کینیڈا کی یونیورسٹی آف ریجینا کی ماہر فلکیات سمانتھا لالر، جنہوں نے ان مشاہدات میں حصہ لیا، نے بھی اس دریافت کو دلکش قرار دیا۔ ان کا کہنا تھا کہ یہ واضح طور پر ظاہر کرتا ہے کہ وہاں کتنا کچھ موجود ہے۔
وزیراعظم شہباز شریف نے کہا ہے کہ دانش یونیورسٹی کے لیے 100 ایکڑ زمین مختص کی گئی ہے، اور یہ یونیورسٹی عالمی سطح پر ملک کا نام روشن کرنے میں اہم کردار ادا کرے گی۔ دانش یونیورسٹی کا پہلا سیشن 14 اگست 2026ء کو شروع ہوگا، اور یہاں سے تمام صوبوں کے بچے اعلیٰ تعلیم حاصل کر سکیں گے۔ اسلام آباد میں دانش یونیورسٹی کے سنگ بنیاد رکھنے کی تقریب میں خطاب کرتے ہوئے انہوں نے بتایا کہ 190 ملین پاؤنڈ کی سرمایہ کاری سے ملک میں عالمی معیار کی ایک دانش یونیورسٹی قائم کی جا رہی ہے۔ سابق چیف جسٹس نے کہا کہ 190 ملین پاؤنڈ کا ہمارے ساتھ کوئی تعلق نہیں، یہ رقم قومی خزانے میں منتقل ہو چکی ہے، جس کے لیے موجودہ چیف جسٹس کا شکر گزار ہوں۔
وزیراعظم شہباز شریف نے مزید کہا کہ پاکستان میں بہت سی شاندار درسگاہیں موجود ہیں، لیکن تحقیق اور جدید سائنسز کے حوالے سے ایسی کوئی درسگاہ نہیں ہے۔ نوجوانوں کو تعلیم کے مواقع فراہم کرنا ہماری اولین ترجیح ہے، اور دانش یونیورسٹی میں داخلے میرٹ کی بنیاد پر ہوں گے۔ یہاں غریب بچوں اور بچیوں کو مفت تعلیم دی جائے گی، اور یہ منصوبہ پاکستان کی تقدیر بدلنے کی صلاحیت رکھتا ہے۔ ہم پاکستان کو ایک عظیم ملک بنانے کے لیے محنت اور جدوجہد کریں گے، کیونکہ ہر خواب کو حقیقت میں بدلنے کے لیے کوشش ضروری ہے۔ یتیم بچے دانش سکول سے فائدہ اٹھا رہے ہیں، اور یہ سکول ان بچوں کے لیے ایک سایہ فراہم کر رہا ہے۔ اگر ہم دیہات کے بچوں کو تعلیم نہیں دیں گے تو یہ دھول مٹی میں ہی رہ جائیں گے۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
