news
وزیراعظم شہباز شریف کا معاشی ترقی کے لیے عزم: ٹھوس تجاویز کی ضرورت
وزیراعظم شہباز شریف نے کہا ہے کہ ہمارا اصل ہدف معاشی استحکام کو معاشی ترقی میں تبدیل کرنا ہے۔ پاکستان کی معیشت اب اپنے پیروں پر کھڑی ہو چکی ہے۔ کہا جاتا ہے کہ برآمدات پر مبنی معیشت کو فروغ دینا چاہیے، لیکن مجھے اس بارے میں ٹھوس تجاویز کی ضرورت ہے۔ وسائل کے لحاظ سے پاکستان خود کفیل ہے، ہمارے پاس اربوں ڈالرز کے خزانے دفن ہیں۔ ہمیں صبر، تحمل اور دانش مندی کے ساتھ آگے بڑھنا ہوگا، اور معاشی ترقی کے لیے میں سب کے ساتھ مل بیٹھنے کے لیے تیار ہوں۔
کراچی میں پاکستان سٹاک ایکسچینج کی تقریب سے خطاب کرتے ہوئے انہوں نے کہا کہ معاشی ترقی کا آغاز ہو چکا ہے، اور ملک میں معاشی استحکام آنے پر سب لوگ مبارکباد کے مستحق ہیں۔ ماضی میں بھی کئی خوشنما پروگرام دیکھے اور سنے گئے، لیکن اڑان پاکستان پروگرام سے ملک کو حقیقی معاشی ترقی ملے گی اور سماجی خوشحالی آئے گی۔ اب ہمیں ترقی کی طرف بڑھنا ہے، اور پاکستان کی معیشت دوبارہ اپنے قدموں پر کھڑی ہو رہی ہے۔ ہمارا ہدف معاشی نمو ہے، اور میں ملک کو ترقی کے راستے پر لے جانے کے لیے تیار ہوں۔ معیشت میں مزید ترقی کے لیے ماہرین ہماری رہنمائی کریں۔
وزیراعظم شہباز شریف نے کہا کہ کراچی شہر روشنیوں کا شہر ہے، ایک وقت تھا جب اس کی رونقیں ختم ہو چکی تھیں، لیکن شکر ہے کہ امن بحال ہوا۔ صوبائی دارالحکومت ملکی معیشت کے لیے ریڑھ کی ہڈی کی حیثیت رکھتا ہے۔
اسلام آباد:
وفاقی وزیر اطلاعات و نشریات عطاءاللہ تارڑ نے کہا ہے کہ علی امین گنڈا پور نے صحیح طریقے سے احتجاج کرنے کا راستہ اختیار کیا ہے۔
وزیراعلیٰ خیبرپختونخوا علی امین گنڈا پور کے بیان پر تبصرہ کرتے ہوئے وفاقی وزیراطلاعات نے کہا کہ مہذب معاشروں میں احتجاج ہمیشہ پرامن ہوتا ہے اور اس دوران زندگی کا معمول بھی جاری رہتا ہے۔ علی امین گنڈا پور نے واقعی درست طریقہ اپنایا ہے۔
انہوں نے مزید کہا کہ وزیراعلیٰ کے پی کے کی جانب سے 10 ماہ میں پہلی بار احتجاج کا صحیح انداز اپنانا قابل تعریف ہے۔ کاش وہ 26 نومبر اور 9 مئی کو بھی تشدد اور توڑ پھوڑ کے بجائے اسی طرح “اوو اوو” کر کے احتجاج کرتے۔
وفاقی وزیر اطلاعات نے تنقید کرتے ہوئے کہا کہ قوم جانتی ہے کہ انتشار، فساد اور جلاؤ گھیراؤ آپ کی عادت ہے۔
اسلام آباد:
نئے مالی سال 2025-26 کا بجٹ جون کے پہلے ہفتے میں پارلیمنٹ میں پیش کیا جائے گا۔
ایکسپریس نیوز کی رپورٹ کے مطابق وزارت خزانہ نے بجٹ کال سرکلر 2025-26 جاری کر دیا ہے، جس کے تحت بجٹ پیش کرنے سے پہلے وفاقی کابینہ سے بجٹ کے اہداف اور دستاویزات کی منظوری حاصل کی جائے گی۔ بجٹ اسٹریٹجی حکمت عملی پیپر کی منظوری اپریل کے تیسرے ہفتے میں لی جائے گی۔
وزارت خزانہ کے مطابق، سالانہ پلان کوآرڈی نیشن کمیٹی کا اجلاس مئی کے پہلے ہفتے میں منعقد ہوگا، جبکہ قومی اقتصادی کونسل کا اجلاس مئی کے دوسرے ہفتے میں بلایا جائے گا۔ کابینہ کے لیے بجٹ کے تخمینے اور دستاویزات مئی تک تیار کر لی جائیں گی، اور فروری میں کرنٹ اور ترقیاتی بجٹ پر نظرثانی کا تخمینہ پیش کیا جائے گا۔
فروری میں بجٹ ریویو کمیٹی کا اجلاس بھی بلایا جائے گا، اور اگلے ماہ مڈ ایئر ریویو رپورٹ قومی اسمبلی میں پیش کی جائے گی۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ7 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ7 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
