جلد ریلیز ہونے والی ایکشن فلم بے بی جون، جس میں ورون دھون مرکزی کردار ادا کر رہے ہیں اور سلمان خان کیمیو رول میں نظر آئیں گے، کے معاوضے کی تفصیلات منظرعام پر آگئی ہیں۔

ورون دھون کی یہ فلم 25 دسمبر کو کرسمس کے موقع پر ریلیز ہوگی، جس کا مداح بے صبری سے انتظار کر رہے ہیں۔ ایٹلی کے تعاون سے کیلیز کی ہدایت کاری میں بننے والی اس فلم نے ریلیز سے پہلے ہی زبردست مقبولیت حاصل کر لی ہے۔

بھارتی میڈیا رپورٹس کے مطابق، سلمان خان نے اپنے کیمیو رول کے لیے کوئی معاوضہ نہیں لیا، جبکہ ورون دھون اور دیگر اداکاروں نے اپنے کرداروں کے لیے بھاری رقم وصول کی ہے۔ ورون دھون نے فلم کے لیے 25 کروڑ روپے، جبکہ ان کی ساتھی اداکارہ کیرتی سریش نے 4 کروڑ روپے معاوضہ وصول کیا ہے۔ دیگر اداکاروں میں جیکی شروف کو 1.50 کروڑ روپے، راجپال یادیو کو 1 کروڑ روپے، سانیا ملہوترا کو 1 کروڑ روپے، اور وامیقہ گبی کو 40 لاکھ روپے ادا کیے گئے ہیں۔

فلم کا ٹریلر پہلے ہی ریلیز ہو چکا ہے اور اسے شائقین کی جانب سے بے حد پسند کیا جا رہا ہے۔ ٹریلر میں سلمان خان اور ورون دھون کو ایکشن کرتے ہوئے دکھایا گیا ہے۔ مداح فلم کی کہانی اور زبردست پرفارمنس دیکھنے کے لیے کرسمس کے دن کا انتظار کر رہے ہیں۔

شردھا کپور، جو اپنی نرم مزاجی اور میٹھے لہجے کے لیے مشہور ہیں، نے ایک صحافی کے نجی زندگی اور ڈیٹنگ سے متعلق سوال پر اپنا “ٹھنڈا مزاج” کھو دیا۔ انٹرویو کے دوران صحافی نے ان سے کارتک آریان کے بیان کے حوالے سے سوال کیا تھا، جس میں کہا گیا تھا کہ شردھا ڈیٹنگ کر رہی ہیں۔

صحافی کے سوال پر شردھا کپور نے طنزیہ انداز میں جواب دیا: “ٹھیک ہے، تو اس نے وہی کہا جو اسے کہنا تھا۔ کیا آپ کے پاس میرے لیے کوئی اور سوال ہے؟” ان کا یہ ردعمل ان کے مداحوں کے لیے غیر متوقع تھا۔

اس سے قبل شردھا کپور نے ڈیٹنگ کے حوالے سے اپنے خیالات کا اظہار کرتے ہوئے کہا تھا کہ انہیں اپنے ساتھی کے ساتھ وقت گزارنا، فلمیں دیکھنا، کھانے پر جانا یا سفر کرنا پسند ہے۔

یاد رہے کہ شردھا کپور کو حال ہی میں فلم استری 2 میں راج کمار راؤ، پنکج ترپاٹھی، اور ابھیشیک بنرجی کے ساتھ دیکھا گیا تھا، اور یہ فلم باکس آفس پر کامیاب رہی۔