سائنس دانوں نے پہلی بار امریکی ریاست کیلیفورنیا میں گوشت خور گلہریوں کی موجودگی کا پتہ لگایا ہے، جس نے ماہرین کو حیران کر دیا ہے۔

یہ گلہریاں اکثر اپنے منہ میں گری دار میوے، بیج یا اناج بھرے ہوئے دیکھی جاتی رہی ہیں۔ لیکن حالیہ تحقیق، جو جرنل آف ایتھولوجی میں شائع ہوئی ہے، یہ ظاہر کرتی ہے کہ یہ گلہریاں موقع پرست ہمہ خور بھی ہو سکتی ہیں، یعنی ہر قسم کی خوراک کھانے کی صلاحیت رکھتی ہیں۔

اس تحقیق میں یونیورسٹی آف کیلیفورنیا ڈیوس کے سائنسدانوں نے جون اور جولائی 2024 کے دوران گلہریوں کے 74 تعاملات کا مشاہدہ کیا۔

انہوں نے یہ پایا کہ 42 فیصد سے زیادہ گلہریوں کو چھوٹے چوہوں کا شکار کرتے اور انہیں کھاتے ہوئے دیکھا گیا۔

حکومت نے بندرگاہوں پر پھنسے ہوئے ونٹیج کاروں کو ایک بار رعایت دینے کی تجویز کو مسترد کر دیا ہے، اور کہا ہے کہ یہ کاریں پالیسی کی خلاف ورزی کرتے ہوئے درآمد کی گئی ہیں۔

اس لیے درآمد کنندگان کو ایسی کسی رعایت کی اجازت نہیں دی جا سکتی۔ وزارت تجارت کی جانب سے پیش کی گئی سمری پر بحث کرتے ہوئے کابینہ نے سندھ ہائیکورٹ کی ہدایت اور مشاہدات کو بھی مدنظر رکھا، اور ونٹیج کاروں کی درآمد میں ایف بی آر کی خلاف ورزی پر بھی غور کیا۔

تاہم، کابینہ نے متفقہ طور پر وزارت تجارت کی سمری کو مسترد کر دیا، جس میں مختلف بندرگاہوں پر پھنسے ہوئے تمام ونٹیج کاروں کو ایک بار رعایت دینے کی سفارش کی گئی تھی۔ کابینہ کو بتایا گیا کہ یہ سمری پہلے بھی پیش کی گئی تھی، جسے کابینہ نے مسترد کر دیا تھا۔

اب سندھ ہائیکورٹ کے احکامات کی روشنی میں واضح فیصلے کے لیے دوبارہ پیش کی جا رہی ہے۔ ہائیکورٹ نے ہدایت کی ہے کہ کابینہ تین ہفتوں میں اسپیکنگ آرڈر پاس کرے، لیکن کابینہ نے اس تجویز کو ایک بار پھر مسترد کر دیا ہے۔