news
جعفر ایکسپریس حملہ: عمر ایوب کا حکومت اور سیکیورٹی اداروں پر سخت ردعمل
عمر ایوب خان نے جعفر ایکسپریس حملے پر اپنے ردعمل میں سیکیورٹی فورسز کے جوانوں کی قربانیوں کو سراہا۔ انہوں نے کہا کہ فارم 47 کے تحت پاکستان کی سلامتی کو خطرے میں ڈال دیا گیا ہے، اور خفیہ اداروں کی غفلت کا خمیازہ ہماری مسلح افواج کے جوان بھگت رہے ہیں۔ قومی اسمبلی میں اپوزیشن لیڈر عمر ایوب خان نے بلوچستان میں ہونے والے جعفر ایکسپریس حملے کی سخت مذمت کرتے ہوئے کہا کہ پی ٹی آئی اس واقعے اور بی ایل اے کے اس عمل کی بھی مذمت کرتی ہے۔
بدھ کے روز ایوان میں اظہار خیال کرتے ہوئے عمر ایوب نے کہا کہ رولز آف بزنس میں ایک ایسا رول موجود ہے جس کے تحت وقفہ سوالات کو معطل کر کے بلوچستان میں ہونے والے سانحے پر بات کی جا سکتی ہے۔ اس واقعے میں کئی جانیں ضائع ہوئی ہیں، اور ہمیں اس واقعے اور بی ایل اے کے عمل کی مذمت کرنی چاہیے۔ ہمیں فوری طور پر معمول کی کارروائی کو روک دینا چاہیے تھا۔
انہوں نے مزید کہا کہ بلوچستان میں آگ لگی ہوئی ہے جبکہ حکومتی اراکین اسمبلی آپس میں باتیں کر رہے ہیں۔
یہ سمجھنا مشکل ہے کہ پچاس سو دہشت گرد اکٹھے کیسے ہو جاتے ہیں، اور انہیں کس نے اکٹھا ہونے دیا؟ اگر تحریک انصاف کے پانچ لوگ اکٹھے ہوں تو پولیس ان پر دھاوا بول دیتی ہے، کیا انہیں دہشت گرد نظر نہیں آتے؟ عمر ایوب نے کہا کہ اڈیالہ جیل کے سامنے ہمیں پانچ افراد کو گرفتار کیا گیا ہے، تو پھر انٹیلیجنس ایجنسیز کہاں ہیں؟ ان کی غفلت کا خمیازہ ہماری مسلح افواج کو بھگتنا پڑ رہا ہے۔
پشاور جانے والی جعفر ایکسپریس پر بولان کے قریب پہاڑی علاقے میں مسافر ٹرین پر حملہ کرنے والے دہشتگردوں کی تصاویر اب منظر عام پر آ گئی ہیں۔ میڈیا رپورٹس کے مطابق، سیکیورٹی ذرائع نے بتایا کہ 12 مارچ کو فائنل کلیئرنس آپریشن کے دوران مارے جانے والے دہشت گرد غیر ملکی اسلحہ سے لیس تھے۔ ان تصاویر میں دیکھا جا سکتا ہے کہ یہ دہشت گرد ٹرین کے ارد گرد ہلاک ہوئے۔
سیکیورٹی ذرائع نے مزید یہ بھی بتایا کہ یہ دہشت گرد بیرون ملک اپنے آلہ کاروں سے رابطے میں تھے اور مسلسل ہدایات حاصل کر رہے تھے۔ سیکیورٹی فورسز نے بلوچستان میں ایک کامیاب ریسکیو آپریشن کے دوران جعفر ایکسپریس کو یرغمال بنانے والے تمام دہشت گردوں کو ہلاک کر دیا۔
اس سے پہلے، پاک فوج کے شعبہ تعلقات عامہ (آئی ایس پی آر) کے ڈی جی، لیفٹیننٹ جنرل احمد شریف چوہدری نے اس واقعے کے بارے میں بتایا کہ دہشت گردوں نے 11 مارچ کو تقریباً ایک بجے بولان کے علاقے اوسی پور میں ریلوے ٹریک کو دھماکے سے اڑا دیا اور جعفر ایکسپریس کو روک دیا۔
بازیابی کا آپریشن فوراً شروع کیا گیا، جس میں آرمی، ایئرفورس، فرنٹئیر کور اور ایس ایس جی کے جوانوں نے حصہ لیا اور یرغمالیوں کو مرحلہ وار رہا کروا لیا۔ ریلوے حکام کے مطابق، اس ٹرین میں 440 افراد سوار تھے۔
وزیراعظم شہباز شریف نے واضح کیا ہے کہ پاکستان کو عدم استحکام میں دھکیلنے کی ہر کوشش کا بھرپور جواب دیا جائے گا، اور خوارج کے ساتھ ان کے سہولت کاروں کو بھی بے رحمی سے ختم کیا جائے گا۔ تفصیلات کے مطابق، وزیر اعظم محمد شہباز شریف، نائب وزیر اعظم اور وزیر خارجہ محمد اسحاق ڈار، وفاقی وزیر منصوبہ بندی احسن اقبال، وزیر اطلاعات و نشریات عطاء اللہ تارڑ، بلوچستان کے گورنر اور وزیر اعلیٰ، چیف آف آرمی سٹاف (COAS) جنرل سید عاصم منیر، NI(M) اور دیگر اعلیٰ سول و عسکری حکام اور سیاسی جماعتوں کے رہنما آج وزیر اعلیٰ ہاؤس کوئٹہ میں ایک اہم سیکیورٹی کانفرنس میں شریک ہوئے۔
بریفنگ کے دوران، شرکاء کو بلوچستان میں سیکیورٹی کی موجودہ صورتحال، دہشت گردی کے خلاف جاری کوششوں، اور جعفر ایکسپریس حملے کے حوالے سے حالیہ آپریشن کی کامیابی کے بارے میں تفصیلی معلومات فراہم کی گئیں۔
شرکاء نے دہشت گردی کے ہر قسم کے خلاف زیرو ٹالرنس کی پالیسی پر پاکستان کے عزم کا اعادہ کیا۔ سیاسی جماعتوں کے رہنما، وفاقی و صوبائی وزراء، سرکاری افسران اور کانفرنس کے دیگر شرکاء نے متفقہ طور پر جعفر ایکسپریس پر ہونے والی دہشت گردی کی بربریت کی مذمت کی اور شہداء کی قربانیوں کو خراج عقیدت پیش کیا۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
