بین الاقوامی ریٹنگ ایجنسی موڈیز نے پاکستانی بینکوں کا منظرنامہ مستحکم سے مثبت کردیا ہے۔ موڈیز کا کہنا ہے کہ ایک سال پہلے کے مقابلے میں بینکوں کی مالی حالت اور پاکستان کے معاشی حالات میں بہتری آئی ہے۔

موڈیز کے مطابق، مثبت منظرنامہ بینکوں کی لچکدار مالی کارکردگی کی وجہ سے ہے، اور یہ ایک سال پہلے کے مقابلے میں بہتر معاشی حالات کی عکاسی بھی کرتا ہے۔

موڈیز کی جانب سے جاری کردہ رپورٹ میں قرضوں کی طویل مدتی پائیداری کو معیشت کے لیے خطرہ قرار دیا گیا ہے، اور رپورٹ میں کمزور مالی پوزیشن اور بیرونی خطرات کی نشاندہی بھی کی گئی ہے۔

اس حوالے سے کہا گیا ہے کہ 2025ء میں پاکستان کی معاشی نمو 3 فیصد متوقع ہے، جو کہ 2024ء میں 2.5 فیصد تھی۔

گوگل نے 2023 کے آخر میں یہ اعلان کیا تھا کہ میپس کی لوکیشن ہسٹری کو کلاؤڈ سرورز سے صارفین کے فونز میں منتقل کیا جائے گا، اور اب اس حوالے سے ایک اہم پیش رفت سامنے آئی ہے۔

رپورٹس کے مطابق، کمپنی نے تصدیق کی ہے کہ 18 مئی 2025 تک تمام صارفین کا ٹائم لائن ڈیٹا کلاؤڈ سرورز سے مکمل طور پر حذف کر دیا جائے گا، اور اس کے ساتھ ہی فونز میں محفوظ تین ماہ سے زیادہ پرانا ڈیٹا بھی خودکار طور پر ڈیلیٹ ہو جائے گا۔

گوگل کے مطابق، صارفین کی پرائیویسی کو بہتر بنانے کے لیے یہ فیصلہ کیا گیا ہے کہ لوکیشن ہسٹری اب کلاؤڈ کے بجائے صرف صارف کے ذاتی فون تک محدود ہوگی۔

اس تبدیلی کے بعد، ٹائم لائن ڈیٹا دیگر ڈیوائسز پر منتقل یا ویب ورژن کے ذریعے استعمال نہیں کیا جا سکے گا۔

تاہم، صارفین کے پاس اپنا ڈیٹا محفوظ کرنے کے لیے بیک اپ تیار کرنے یا ڈیوائس ٹرانسفر سسٹم استعمال کرنے کا آپشن موجود ہوگا۔

کمپنی نے صارفین کو خبردار کیا ہے کہ اگر وہ اپنا پرانا ٹائم لائن ڈیٹا بچانا چاہتے ہیں تو انہیں 18 مئی سے قبل نئی سیٹنگز کا انتخاب کرنا ہوگا اور تین ماہ سے زیادہ پرانے ڈیٹا کو ڈاؤن لوڈ کر کے محفوظ کرنا پڑے گا، بصورت دیگر یہ ڈیٹا ہمیشہ کے لیے حذف ہو جائے گا۔

گوگل کا کہنا ہے کہ یہ اقدام صارفین کے ڈیٹا پر ان کے کنٹرول کو بڑھانے اور پرائیویسی کو یقینی بنانے کے لیے اٹھایا گیا ہے۔