news
رمضان کے پہلے ہفتے میں مہنگائی کی صورتحال، اشیائے ضروریہ مزید مہنگی
ادارہ شماریات نے مہنگائی کے ہفتہ وار اعدادوشمار جاری کر دیئے ہیں، جن کے مطابق رمضان المبارک2025 کے پہلے ہفتے کے اختتام پر گوشت، چکن، آٹا، چینی، گڑ، چاول، دودھ، دہی، ایل پی جی سمیت کئی اشیاء کی قیمتیں مزید بڑھ گئیں۔ ایک ہفتے میں 20 اشیائے ضروریہ کی قیمتوں میں کمی آئی، جبکہ 13 اشیائے ضروریہ کی قیمتیں بڑھ گئیں۔
تفصیلات کے مطابق، گزشتہ ہفتے مہنگائی میں 0.09 فیصد کمی ہوئی، جبکہ سالانہ شرح منفی 0.87 فیصد ریکارڈ کی گئی۔ رپورٹ کے مطابق، ایک ہفتے میں 20 اشیائے ضروریہ کی قیمتوں میں کمی آئی، جبکہ 13 اشیائے ضروریہ کی قیمتیں بڑھ گئیں، جیسے کہ کیلے 10 فیصد، چینی 3.15 فیصد، اور انڈے 2.52 فیصد مہنگے ہوئے۔
مٹن، بیف، گڑ، گندم کا آٹا، چاول، اور ایل پی جی بھی مہنگی ہوئی، جبکہ کپڑے اور سگریٹس کی قیمتوں میں بھی اضافہ ہوا۔
دوسری جانب، پیاز 5.59 فیصد، چائے 4.47 فیصد، لہسن 3.89 فیصد، ٹماٹر 3.60 فیصد، دال چنا 3.49 فیصد، اور ماش 2.82 فیصد سستی ہوئی۔ آلو کی قیمت میں 2.60 فیصد، دال مسور 1.50 فیصد سستی، ڈیزل 2 فیصد، اور پیٹرول کے نرخوں میں 0.24 فیصد تک کمی ہوئی۔ ادارہ شماریات نے اپنی رپورٹ میں یہ بھی بتایا کہ گزشتہ ہفتے کے دوران کیلے کی قیمت 18 روپے فی درجن تک بڑھ گئی، جبکہ چینی مزید 5 روپے مہنگی ہو کر اوسطاً 162 روپے 64 پیسے فی کلو رہی۔
اسلام آباد کی انسدادِ دہشت گردی کی عدالت نے پی ٹی آئی کے بانی کی اہلیہ بشریٰ بی بی کی دو مقدمات میں عبوری ضمانت میں توسیع کر دی ہے۔
بشریٰ بی بی کے خلاف 26 نومبر کو ڈی چوک پر ہونے والے احتجاج کے کیس کی سماعت ہوئی۔
بشریٰ بی بی کی ایک اور بانی پی ٹی آئی کے چھ مقدمات میں عبوری ضمانتوں میں توسیع کی گئی ہے۔
انسدادِ دہشت گردی کی عدالت کے جج ابو الحسنات ذوالقرنین نے درخواستِ ضمانت پر سماعت کی۔
عدالت نے بشریٰ بی بی کی تھانہ سیکریٹریٹ کے مقدمے میں عبوری ضمانت کو 28 اپریل تک اور تھانہ کراچی کمپنی کے مقدمے میں 29 اپریل تک توسیع دے دی۔
جج ابوالحسنات محمد ذوالقرنین نے کہا کہ میں آج کے آرڈر میں یہ لکھ دوں گا کہ بشریٰ بی بی کو شاملِ تفتیش کیا جائے۔
ترجمان بلوچستان حکومت کا کہنا ہے کہ جعفر ایکسپریس پر حملہ دہشت گردی کی ایک کارروائی ہے اور اس واقعے کی تحقیقات جاری ہیں۔ بلوچستان حکومت کے ترجمان شاہد رند نے بتایا کہ کوئٹہ سے پشاور جانے والی جعفر ایکسپریس پر گڈالر اور پیرو کنری کے درمیان شدید فائرنگ کی اطلاعات موصول ہوئی ہیں۔ واقعے کے بعد سبی ہسپتال میں ایمرجنسی نافذ کر دی گئی ہے اور ایمبولینسز بھی جائے وقوعہ کی طرف روانہ کی گئی ہیں، تاہم پہاڑی اور دشوار گزار علاقے کی وجہ سے وہاں تک پہنچنے میں مشکلات پیش آ رہی ہیں۔
انہوں نے مزید کہا کہ محکمہ ریلوے کی جانب سے امدادی ٹرین بھیج دی گئی ہے اور سکیورٹی فورسز بھی اس علاقے کی طرف روانہ ہو رہی ہیں۔ واقعے کی نوعیت اور ممکنہ دہشت گردی کے پہلوؤں کا جائزہ لیا جا رہا ہے، لیکن ابتدائی اطلاعات کے مطابق یہ واقعہ دہشت گردی کا نتیجہ ہو سکتا ہے جس کی تحقیقات جاری ہیں۔ حکومت بلوچستان نے ہنگامی اقدامات کی ہدایت کی ہے اور تمام ادارے متحرک ہیں۔ عوام سے اپیل کی گئی ہے کہ وہ پرامن رہیں اور افواہوں پر کان نہ دھرنے کی کوشش کریں۔
یہ بھی بتایا جا رہا ہے کہ جعفر ایکسپریس ٹرین صوبہ بلوچستان کے دارالحکومت کوئٹہ سے پشاور جا رہی تھی جب دہشت گردوں نے بولان کے علاقے پیروکنری میں مسافر ٹرین پر فائرنگ کی۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
انٹرٹینمنٹ8 years agoراحت فتح علی خان کی اہلیہ ان کی پروموشن کے معاملات دیکھیں گی
کھیل8 years agoپاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
انٹرٹینمنٹ8 years agoشعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں