مریم اورنگزیب کا حکومت کے ایک سال کی کامیاب معاشی کارکردگی پر بیان

پنجاب کی سینئر صوبائی وزیر مریم اورنگزیب نے کہا ہے کہ حکومت کے 12 ماہ میں معاشی معجزے رونما ہوئے ہیں، مہنگائی 38 سے کم ہوکر 9 سال کی کم ترین سطح 1.5 فیصد پر آ گئی۔ ایک سال میں پاکستان نے مایوسی سے اعتماد، ناامیدی سے امید نو، اور انتشار سے استحکام کا شاندار سفر طے کیا۔ سماجی رابطے کی ویب سائٹ ایکس (ٹوئیٹر) پر اپنے جاری کردہ بیان میں انہوں نے کہا کہ حکومت کا ہر دن ترقی اور عوام کے لیے خوشخبریاں لے کر طلوع ہوا۔

انہوں نے مزید کہا کہ نواز شریف کی قیادت میں مسلم لیگ (ن) کی حکومت ہی وہ واحد جمہوری قوت ہے جو پاکستان کو ترقی دے سکتی ہے۔ یہ حقیقت ایک بار پھر ثابت ہو چکی ہے۔ الحمدللہ، حکومت کی کارکردگی کا ایک سال بے مثال رہا۔ مسلم لیگ ن کی حکومت میں ہر نیا دن ملک و قوم کے خوشحال مستقبل کے خواب کو تعبیر کے قریب لاتا ہے۔

وزیر اعظم شہباز شریف کی قیادت میں گزرے ایک سال میں پاکستان نے مایوسی سے اعتماد، ناامیدی سے امید نو، انتشار سے استحکام اور ڈیفالٹ سے نجات پاکر معاشی استحکام کی طرف شاندار سفر طے کیا۔

اپنے بیان میں سینئر صوبائی وزیر مریم اورنگزیب نے مزید کہا کہ پاکستان مسلم لیگ ن کے صدر نواز شریف کی رہنمائی میں حکومت کے 365 دن کا ہر روز اور ہر لمحہ پاکستان کی ترقی اور عوام کے ریلیف کی خوشخبریاں لے کر طلوع ہوا ہے۔