news
بلاول بھٹو: پیپلز پارٹی مسائل کے حل کے لیے مذاکرات پر یقین رکھتی ہے
پاکستان پیپلزپارٹی کے چیئرمین بلاول بھٹو زرداری نے کہا ہے کہ مسائل کے حل کے لیے پیپلز پارٹی مذاکرات پر یقین رکھتی ہے۔ انہوں نے کہا کہ پاکستان کو مختلف چیلنجز کا سامنا ہے اور پیپلز پارٹی جمہوریت پر یقین رکھتی ہے۔ ہم کسی کو بھی سیاسی طور پر نشانہ بنانے کے حق میں نہیں ہیں۔ اپنے ایک بیان میں بلاول بھٹو زرداری نے کہا کہ قومی سیاست میں ضرورت پڑنے پر پیپلز پارٹی ہمیشہ ساتھ رہی ہے۔
انہوں نے یہ بھی کہا کہ احتساب کے نام پر ماضی میں پیپلز پارٹی کو نشانہ بنایا جاتا رہا ہے۔ بانی پی ٹی آئی عمران خان کے دور میں میری پھپھو کو گرفتار کیا گیا اور شہباز شریف سمیت دیگر سیاسی رہنما بھی گرفتار ہوئے۔ بلاول نے یاد دلایا کہ جب آصف زرداری پہلی بار صدر منتخب ہوئے تو اس وقت کوئی سیاسی قیدی نہیں تھا۔
بلاول بھٹو زرداری نے مزید کہا کہ ہم کسی کو بھی سیاسی طور پر نشانہ بنانے کے حق میں نہیں ہیں اور پیپلز پارٹی کا میثاق جمہوریت میں اہم کردار تھا۔ انہوں نے یہ بھی کہا کہ ہم نے اپنے دور میں اپوزیشن کو مصروف رکھا، جبکہ پیپلز پارٹی نہ تو اکثریت میں ہے اور نہ ہی فیصلوں کا نفاذ کر سکتی ہے۔ بلاول بھٹو زرداری نے یہ بھی کہا کہ پاکستان میں جمہوریت مضبوط نہیں ہے اور دیگر ممالک بھی جمہوریت سے متعلق چیلنجز کا سامنا کر رہے ہیں۔ یاد رہے کہ گزشتہ روز صدر مملکت آصف علی زرداری نے کہا تھا کہ اتحادی حکومت کے ساتھ چلنا ہماری مجبوری تھی۔ صدر آصف علی زرداری نے پارٹی رہنماﺅں سے ملاقات کی اور یقین دہانی کرائی۔
پشاور جانے والی جعفر ایکسپریس پر بولان کے قریب پہاڑی علاقے میں مسافر ٹرین پر حملہ کرنے والے دہشتگردوں کی تصاویر اب منظر عام پر آ گئی ہیں۔ میڈیا رپورٹس کے مطابق، سیکیورٹی ذرائع نے بتایا کہ 12 مارچ کو فائنل کلیئرنس آپریشن کے دوران مارے جانے والے دہشت گرد غیر ملکی اسلحہ سے لیس تھے۔ ان تصاویر میں دیکھا جا سکتا ہے کہ یہ دہشت گرد ٹرین کے ارد گرد ہلاک ہوئے۔
سیکیورٹی ذرائع نے مزید یہ بھی بتایا کہ یہ دہشت گرد بیرون ملک اپنے آلہ کاروں سے رابطے میں تھے اور مسلسل ہدایات حاصل کر رہے تھے۔ سیکیورٹی فورسز نے بلوچستان میں ایک کامیاب ریسکیو آپریشن کے دوران جعفر ایکسپریس کو یرغمال بنانے والے تمام دہشت گردوں کو ہلاک کر دیا۔
اس سے پہلے، پاک فوج کے شعبہ تعلقات عامہ (آئی ایس پی آر) کے ڈی جی، لیفٹیننٹ جنرل احمد شریف چوہدری نے اس واقعے کے بارے میں بتایا کہ دہشت گردوں نے 11 مارچ کو تقریباً ایک بجے بولان کے علاقے اوسی پور میں ریلوے ٹریک کو دھماکے سے اڑا دیا اور جعفر ایکسپریس کو روک دیا۔
بازیابی کا آپریشن فوراً شروع کیا گیا، جس میں آرمی، ایئرفورس، فرنٹئیر کور اور ایس ایس جی کے جوانوں نے حصہ لیا اور یرغمالیوں کو مرحلہ وار رہا کروا لیا۔ ریلوے حکام کے مطابق، اس ٹرین میں 440 افراد سوار تھے۔
وزیراعظم شہباز شریف نے واضح کیا ہے کہ پاکستان کو عدم استحکام میں دھکیلنے کی ہر کوشش کا بھرپور جواب دیا جائے گا، اور خوارج کے ساتھ ان کے سہولت کاروں کو بھی بے رحمی سے ختم کیا جائے گا۔ تفصیلات کے مطابق، وزیر اعظم محمد شہباز شریف، نائب وزیر اعظم اور وزیر خارجہ محمد اسحاق ڈار، وفاقی وزیر منصوبہ بندی احسن اقبال، وزیر اطلاعات و نشریات عطاء اللہ تارڑ، بلوچستان کے گورنر اور وزیر اعلیٰ، چیف آف آرمی سٹاف (COAS) جنرل سید عاصم منیر، NI(M) اور دیگر اعلیٰ سول و عسکری حکام اور سیاسی جماعتوں کے رہنما آج وزیر اعلیٰ ہاؤس کوئٹہ میں ایک اہم سیکیورٹی کانفرنس میں شریک ہوئے۔
بریفنگ کے دوران، شرکاء کو بلوچستان میں سیکیورٹی کی موجودہ صورتحال، دہشت گردی کے خلاف جاری کوششوں، اور جعفر ایکسپریس حملے کے حوالے سے حالیہ آپریشن کی کامیابی کے بارے میں تفصیلی معلومات فراہم کی گئیں۔
شرکاء نے دہشت گردی کے ہر قسم کے خلاف زیرو ٹالرنس کی پالیسی پر پاکستان کے عزم کا اعادہ کیا۔ سیاسی جماعتوں کے رہنما، وفاقی و صوبائی وزراء، سرکاری افسران اور کانفرنس کے دیگر شرکاء نے متفقہ طور پر جعفر ایکسپریس پر ہونے والی دہشت گردی کی بربریت کی مذمت کی اور شہداء کی قربانیوں کو خراج عقیدت پیش کیا۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
