کراچی:
امریکا اور چین کے درمیان تجارتی جنگ کی وجہ سے عالمی سطح پر ڈالر کی طاقت میں اضافہ ہوا ہے، جس کے نتیجے میں گزشتہ 8 ماہ میں تجارتی خسارہ 6.33 فیصد بڑھ گیا ہے۔ ان وجوہات کی بنا پر زرمبادلہ کی دونوں مارکیٹوں میں جمعہ کو ڈالر کی قیمت میں اضافہ جاری رہا۔

زرمبادلہ کے سرکاری ذخائر میں اضافے اور آئی ایم ایف کے ساتھ مذاکرات کی مثبت پیش رفت کی وجہ سے انٹربینک مارکیٹ میں کاروباری دورانیے کے دوران ایک موقع پر ڈالر کی قیمت 06 پیسے کی کمی کے ساتھ 279 روپے 75 پیسے تک پہنچ گئی تھی۔

مارکیٹ کی طلب میں اضافے کے باعث کاروبار کے اختتام پر انٹربینک میں ڈالر کی قیمت 15 پیسے کے اضافے سے 279 روپے 96 پیسے پر بند ہوئی، جبکہ اوپن کرنسی مارکیٹ میں بھی ڈالر کی قیمت 17 پیسے کے اضافے سے 281 روپے 47 پیسے پر بند ہوئی۔

قائم مقام چیف جسٹس اسلام آباد ہائیکورٹ سرفراز ڈوگر نے ججز کے ساتھ تبادلہ ہو کر آنے والے سٹاف کی جانب سے سائلین سے مبینہ رشوت وصولی کی شکایات کا نوٹس لیتے ہوئے انکوائری کا حکم دیا ہے اور تین دن میں رپورٹ طلب کی ہے۔ اس مقصد کے لیے رجسٹرار یار محمد ولانہ اور ایڈیشنل رجسٹرار سٹیبلشمنٹ رائے محمد خان کو انکوائری کمیٹی میں شامل کیا گیا ہے۔
قائم مقام چیف جسٹس سرفراز ڈوگر نے جسٹس بابر ستار کے پرائیویٹ سیکرٹری کے خط پر بھی نوٹس لیا ہے۔ جسٹس بابر ستار کی ہدایت پر ان کے سیکرٹری نے مبینہ رشوت ستانی کے خاتمے کے لیے رجسٹرار کو خط لکھا تھا، جس کی نقول تمام ججز کے سیکرٹریز کو بھی بھیجی گئی تھیں۔ خط میں کہا گیا تھا کہ انکوائری کرکے ملوث سٹاف کے خلاف کارروائی کی جائے تاکہ اس برائی کا خاتمہ کیا جا سکے۔

یہ بات قابل ذکر ہے کہ اس سے پہلے اسلام آباد ہائیکورٹ کے جج جسٹس بابر ستار نے سائلین کی شکایت پر انکوائری کے لیے رجسٹرار کو خط لکھا تھا۔ خط میں یہ بھی ذکر کیا گیا تھا کہ انہیں اطلاع ملی ہے کہ کورٹ سٹاف سائلین اور وکلاء سے رقم کا مطالبہ کرتا ہے۔ اسلام آباد ہائیکورٹ میں یہ منفی عمل بڑھتا جا رہا تھا، اور سائلین سے رقم لینے والے عملے کے خلاف انکوائری کرکے اس برائی کو جڑ سے اکھاڑنے کی ضرورت ہے۔