حال ہی میں بھارت کے معروف امیر ترین خاندان امبانی کی شادی کی تقریب میں شرکت کرنے والی مشہور امریکی ماڈل کِم کارڈیشن نے یہ بات تسلیم کی ہے کہ وہ امبانی خاندان کو نہیں جانتیں۔

کِم کارڈیشن اور ان کی بہن کلوئی کارڈیشن نے جولائی 2024 میں دیگر بین الاقوامی ستاروں کے ساتھ مل کر امبانی خاندان کی شادی میں شرکت کی۔ ان کے ریئلٹی شو ’دی کارڈیشئنز‘ کی تازہ ترین قسط میں ممبئی کے ان کے 48 گھنٹے کے دورے کی جھلک دکھائی گئی ہے۔

اداکارہ نے اپنے شو کی اس قسط میں یہ اعتراف کیا کہ وہ امبانی خاندان سے واقف نہیں ہیں، لیکن انہوں نے دنیا کے دوسرے کونے تک سفر کرکے ان کے سب سے چھوٹے بیٹے اننت امبانی اور رادھیکا مرچنٹ کی شادی میں شرکت کی۔

پروگرام کے ایک حصے میں کِم نے کہا، “میں واقعی میں امبانی خاندان کو نہیں جانتی۔ لیکن ہمارے کچھ مشترکہ دوست ہیں۔” کِم نے یہ بھی بتایا کہ جوہری لورین شوارٹز، جو امبانی خاندان کے لیے جیولری ڈیزائن کرتی ہیں، نے انہیں بتایا کہ امبانی خاندان کارڈیشئنز کو شادی میں مدعو کرنا چاہتے ہیں۔ لورین نے مجھ سے کہا کہ وہ شادی میں جارہی ہیں اور امبانی خاندان آپ کو مدعو کرنا چاہتے ہیں۔ ہم نے بغیر کسی ہچکچاہٹ کے ’ہاں‘ کہہ دیا۔”

کِم اور کلوئی نے شادی کے دعوت نامے کے بارے میں بھی بات کی، جو تقریباً 18 سے 22 کلو گرام وزنی تھا۔

عالیہ بھٹ 15 مارچ 2025 کو 32 سال کی ہو جائیں گی، لیکن انہوں نے اپنی سالگرہ ایک دن پہلے ہی منالی۔

عالیہ نے اپنی سالگرہ کی خوشیوں کی تصاویر سوشل میڈیا پر شیئر کیں، جہاں رنبیر کپور اپنی شرارتوں سے باز نہ آ سکے۔

ان تصاویر میں دیکھا جا سکتا ہے کہ رنبیر نے سالگرہ کا کیک عالیہ بھٹ کی ناک پر لگا دیا۔

بعد میں میڈیا سے بات کرتے ہوئے اس جوڑے نے درخواست کی کہ براہ کرم بغیر اجازت ان کی بیٹی ریا کی تصاویر نہ چھاپیں۔

انہوں نے کہا کہ والدین کی اجازت کے بغیر کسی بچے کی تصویر لینا مناسب نہیں۔

رنبیر کپور نے پاپارازی فوٹوگرافر کو یقین دلایا کہ وہ قانونی کارروائی نہیں کریں گے، لیکن ساتھ ہی یہ بھی کہا کہ “اگر کوئی ہماری بات بار بار نہیں سن رہا، تو ہمارے پاس اور کوئی راستہ نہیں بچتا۔”