news
سینیٹ کمیٹی اجلاس: اسٹار لنک کی درخواست اور ایلون مسک پر تحفظات
اسلام آباد:
سینٹ کی قائمہ کمیٹی برائے انفارمیشن ٹیکنالوجی کا اجلاس سینیٹر پلوشہ خان کی زیرصدارت منعقد ہوا۔
اجلاس میں سیٹیلائٹ پالیسی کے بارے میں بریفنگ دیتے ہوئے چیئرمین پی ٹی اے میجر جنرل (ر) حفیظ الرحمان نے بتایا کہ اسٹار لنک نے فروری 2022 میں پی ٹی اے کے لائسنس کے لیے درخواست دی تھی۔
اسٹار لنک کی درخواست وزارت آئی ٹی کو سیکیورٹی کلیئرنس کے لیے بھیجی گئی، اور یہ کیس اب نئی ریگولیٹری باڈی کے پاس ہے۔
اسٹار لنک کے معاملے پر بات کرتے ہوئے سینیٹر افنان اللہ نے کہا کہ ایلون مسک نے پاکستان کے خلاف سوشل میڈیا پر مہم چلائی، کیا کوئی کمپنی جو پاکستان میں کاروبار کرنا چاہتی ہے، وہ ایسا کر سکتی ہے؟
انہوں نے مزید کہا کہ برطانوی حکومت نے ایلون مسک کے الزامات کو غلط قرار دیا، ایلون مسک کو پہلے معافی مانگنی چاہیے، پھر لائسنس کے بارے میں سوچا جائے گا۔