اسلام آباد:
حکومت آئی ایم ایف کو بجلی کے بلوں میں سیلز ٹیکس کی کمی پر قائل کرنے میں ناکام رہی ہے۔

ذرائع کے مطابق، بین الاقوامی مالیاتی فنڈ نے وزارت توانائی کی درخواست کو مسترد کر دیا ہے، جس میں حکومت نے آئی ایم ایف سے بجلی کے بلوں میں سیلز ٹیکس کم کرنے کی رائے مانگی تھی۔

آئی ایم ایف کا کہنا ہے کہ قرض پروگرام کے تحت نئے ٹیکسز میں کوئی رعایت نہیں دی جا سکتی۔ ذرائع کے مطابق، آئی ایم ایف نے وضاحت کی ہے کہ سیلز ٹیکس میں کمی سے ٹیکس کے اہداف حاصل کرنا ممکن نہیں ہوگا۔

یاد رہے کہ بجلی کے بلوں پر 18 فیصد جی ایس ٹی دو بار عائد ہوتا ہے۔ ایک بار بل کی کل رقم پر 18 فیصد ٹیکس لگتا ہے جبکہ دوسری بار فیول کاسٹ ایڈجسٹمنٹ پر بھی سیلز ٹیکس لیا جاتا ہے۔

ٹیکنالوجی کمپنی ٹیسلا نے اپنے سائبر ٹرکس کے ایک بیچ سے بیٹری پیکس واپس منگوا لیے ہیں۔

سائبر ٹرک کے مالکان نے سوشل میڈیا پر بتایا کہ ان کے برقی ٹرک کی بیٹریوں کو معمول کے معائنے کے دوران مکمل طور پر تبدیل کر دیا گیا، حالانکہ انہوں نے اس کی درخواست نہیں کی تھی۔

کلین ٹیکنیکا کے مطابق، یہ مسئلہ ان ماڈلز کو متاثر کر رہا ہے جو فروری سے جولائی کے درمیان تیار کیے گئے تھے۔ تاہم، ٹیسلا نے اس معاملے پر کوئی تبصرہ نہیں کیا ہے۔

ٹیسلا سائبر ٹرک کے فیس بک پیج پر ایک ٹرک مالک نے کہا کہ وہ ٹرک کی ڈیلیوری کے بعد پہلی بار معائنے کے لیے گئے اور کمپنی نے بیٹری کی تبدیلی کو اپنی فہرست میں شامل کر لیا۔

ایک اور سائبر ٹرک مالک نے بھی اسی طرح کے تجربے کا ذکر کیا۔ وہ سائیڈ مرر لگوانے کے لیے گیراج گئے، جس کی درخواست ٹیسلا نے دو منٹ کے اندر منظور کر لی، لیکن فہرست میں یہ بھی بتایا گیا کہ وہ ہائی وولٹیج بیٹری کو بھی تبدیل کر رہے ہیں۔

یہ بھی یاد رہے کہ گزشتہ بدھ کے روز ٹرمپ ہوٹل کے باہر ایک سائبر ٹرک دھماکے سے پھٹ گیا تھا۔