news
چین کے شمالی صوبے کی سبزی منڈی میں آگ، 8 افراد ہلاک اور 15 زخمی
چین کے شمالی صوبے میں سبزی منڈی میں آگ لگنے کے نتیجے میں 8 افراد ہلاک اور 15 زخمی ہو گئے ہیں۔
غیر ملکی خبر رساں ادارے کی رپورٹس کے مطابق یہ خبر چین کے سرکاری ٹیلی ویژن سی سی ٹی وی نے نشر کی۔
میڈیا رپورٹ کے مطابق سبزی منڈی میں آگ لگنے سے 8 افراد کی جانیں گئیں اور 15 زخمی ہوئے۔
چینی نشریاتی ادارے نے مزید بتایا کہ حکام آگ لگنے کی وجوہات جاننے کے لیے تحقیقات کر رہے ہیں، جبکہ یہ آگ صبح 8 بج کر 40 منٹ پر لگی اور صرف ایک گھنٹے بعد بجھا دی گئی۔
چین کی مائیکروبلاگنگ ویب سائٹ ویبو اور دیگر سوشل میڈیا پر پوسٹ کی گئی ویڈیوز میں ضلعی بازار میں دھوئیں کے گہرے بادل اور آگ کے بڑے شعلے نظر آئے۔