news
جنوبی کوریا کے سابق صدر یون سک یول کے وارنٹ گرفتاری کی درخواست دائر
جنوبی کوریا کے سابق صدر یون سک یول کے خلاف وارنٹِ گرفتاری کے لیے درخواست دائر کر دی گئی ہے۔
غیر ملکی خبر رساں ادارے کے مطابق مشترکہ تحقیقاتی یونٹ نے یون سک یول کے خلاف یہ وارنٹ گرفتاری کی درخواست پیش کی ہے۔
مارشل لاء لگانے کے معاملے پر یون کے وارنٹِ گرفتاری جاری کرنے کا فیصلہ عدالت کرے گی۔ میڈیا کی رپورٹس کے مطابق 3 دسمبر کا مارشل لاء بغاوت کے مترادف تھا یا نہیں، اس کی تحقیقات جاری ہیں۔
یہ بات بھی قابل ذکر ہے کہ جنوبی کوریا کے سابق صدر یون سک یول کو 14 دسمبر کو مارشل لاء کے مختصر اعلان کے بعد پارلیمنٹ میں مواخذے کے نتیجے میں معزول کر دیا گیا تھا۔
غیر ملکی میڈیا کی رپورٹس کے مطابق، مواخذے کی دوسری تحریک کامیاب ہونے کے بعد یون سک یول کو ان کے عہدے سے معطل کر دیا گیا تھا۔
جنوبی کوریا کی پارلیمنٹ کے تمام 300 اراکین نے یون سک یول کے خلاف مواخذے پر ووٹنگ میں حصہ لیا، جس میں 204 ارکان نے ان کے مواخذے کے حق میں ووٹ دیا۔