فالج زدہ مریضوں کی تشخیص ہلکی مقناطیسی فیلڈ کی ڈیوائس سے

سائنس دانوں کا کہنا ہے کہ ایک نئی طرح کا میڈیکل سکینر ہلکی مقناطیسی فیلڈ میں فالج زدہ مریضوں کے دماغ کو پہنچنے والے نقصان کی نشاندہی بخوبی کر سکتا ہے
فیلڈ سائکلنگ امیجر ایف سی آئی جو کہ دنیا کا منفرد نوعیت کا پہلا سکینر کہلاتا ہے ایم آئی آر سے بنا ہوا ہے مگر یہ بہت ہی ہلکی مقنا طیسی فیلڈ یہاں تک کہ فریج میگنیٹ سے بھی کم پر کام کر کے بہترین نتائج مہیا کر سکتا ہے
یونیورسٹی آف ایبرڈین سے تعلق رکھنے والے سائنس دانوں کا یہ خیال ہے کہ اس ڈیوائس کے ذریعے ہم بہترین طریقے سے یہ جانچ سکیں گے کہ کس بیماری سے کتنے اعضا کس حد تک متاثر ہوئے ہیں جبکہ ماضی میں یہ سب ممکن نہ تھا
میگنیٹک ریزوننس امیج یعنی ایم آر آئی بہت ہی طاقتور مقناطیسی فیلڈ اور ریڈیائی لہروں کا استعمال کرتے ہیں اور بغیر جسم کو ہاتھ لگانے اس کے اندر کی تفصیلی تصاویر بناتی ہے
ایف سی آئی سکینر بھی اسی فارمولے پر کام کرتے ہوئے اسکین کرتا ہے لیکن اس کا ڈیزائن اس کو مریض کے اسکین کرنے کے دوران مقناطیسی فیلڈ کی طاقت کو کم یا زیادہ کرنے کی صلاحیت دیتا ہے
تحقیق دانوں کا کہنا ہے کہ ایک ڈیوائس کے اندر مقناطیسی فیلڈ کو کم یا زیادہ کرنے کی صلاحیت کا ہونا
ایسا ہی ہے جیسا کہ ایک وقت میں متعدد سکینر استعمال کیے جا رہے ہوں اسی لیے یہ روایتی ایم آر آئی کے مقابل میں زیادہ بہتر اور مختلف انداز میں معلومات اکٹھی کر سکتا ہے