واٹس ایپ سے دیگر میٹا ایپس پر میٹر شیئرنگ ہوئی ممکن

واٹس ایپ عوامی مقبولیت اور ضرورت کی ایک اہم ترین ایپ ہے اس کے استعمال کرنے والوں کی تعداد میں روز بروز بے انتہا اضافہ ہو رہا ہے اسی مقبولیت اور پسندیدگی کے پیش نظر واٹس ایپ اپنا ایک نیا فیچر متعارف کروا رہاہے

بہت جلد واٹس ایپ ایک نیا فیچر متعارف کرانے جارہا ہے جس سے صارفین میٹا ایپلی کیشنز اور دیگر پلیٹ فارمز جیسے اسنیپ چیٹ اور ایکس پر پیغامات اور میڈیا کو شیئر اور فارورڈ بھی کر سکیں گے۔

میڈیا رپورٹس کے مطابق یہ تازہ ترین اپڈیٹ 2.24.25.20 اینڈرائیڈ میں با آسانی دستیاب ہوں گی جو مواد کو شیئر کرنے کے نئے طریقوں کی اجازت دے گی۔

اپ ڈیٹ میں واٹس ایپ دیگر ایپس کے ساتھ فوری طور پر مواد شیئر کرنے کے لیے ایپ میں نیچے کی طرف ایک نیا بار متعارف کروائے گا۔

یہ نیا فیچر فی الحال اپنے آزمائشی مرحلے میں ہے اور اسے گوگل پلے اسٹور پر تازہ ترین اپ ڈیٹ کے ذریعے ڈاؤن لوڈ بھی کیا جا سکتا ہے۔

نیا انٹرفیس مخصوص اختیارات والے صارفین کو مواد کو براہ راست میٹا ایپلی کیشنز جیسے انسٹاگرام اور فیس بک پر بھیجنے کی بھی اجازت دے گا۔

صارفین اپنی چیٹس سے میڈیا کو ڈاؤن لوڈ کے بغیر ان ایپلی کیشنز میں اسٹوری بھی کری ایٹ کر سکیں گے اور صرف تصویر، ویڈیو یا GIF کو منتخب کرنے سے صارفین کو ایک آپشن شو ہوگا جس سے وہ اسے اسٹوری کے طور پر پوسٹ  بھی کر سکیں گے۔