چیئرمین پیپلز پارٹی بلاول بھٹو زرداری نے آئینی عدالتیں بنانے کے فیصلے کے حوالے سے بات کرتے ہوئے کہا کہ آئینی عدالتیں ضروری ہیں مجبوری ہیں اور ہم آئینی عدالتیں بنا کر رہیں گے۔سندھ ہائی کورٹ بار میں وکلاء سے خطاب کے دوران بلاول بھٹو زرداری نے کہا کہ ہمیں کہا جاتا تھا آپ اتنے کرپٹ ہو کہ آپ پر ائین اور قانون ہی لاگو نہیں ہوتا جبکہ جمہوریت کے لیے ہماری تین نسلوں نے قربانیاں دی ہیں۔ اسی چارٹر اف ڈیموکریسی میں ہم نے کہا کہ 1973 کے ائین کو بحال کرنا پڑے گا اور اسی چارٹر پر بے نظیر اور نواز شریف کے دستخط تھے۔بلاول بھٹو نے مزید کہا کہ جب ہم اٹھویں ترمیم پاس کر رہے تھے تب بے نظیر کے علم میں تھا کہ ہمارا عدالتی نظام کتنا ناقص اور کمزور ہے ۔ایک انصاف دینے والے ادارے نے عدالتی قتل کیا۔بلاول بھٹو نے کہا کہ ضیاء الحق کا دور محترمہ شہید بے نظیر بھٹو نے دیکھا ،اس دور میں ہر سیاسی کارکن پر تشدد ہوا اس وقت افتخار چوہدری انقلابی نہیں بلکہ پی سی او جج تھے کوئی ڈیم والا جج نہیں تھا انہوں نے ائینی عدالتیں بننے کا فیصلہ اس وقت کیا تھا جب عدالتیں پکوڑوں اور ٹماٹروں کی قیمتیں طے کر رہی تھیں ۔بلاول بھٹو نے کہا کہ عدلیہ نے ججز کی تقرری کا کام اپنے ہاتھ میں لے لیا ہے لیکن وہ کر نہیں پا رہیں۔ آئینی عدالت کے جج کی عمر کی حد نہیں ہونی چاہیے ۔پیپلز پارٹی کا موقف یہ ہے کہ آئینی عدالت کے لیے ججز کی عمر بڑھانا متنازع ہو جائے گا لہذا ہمارا موقف یہ ہے کہ آئنی عدالت کے جج کی عمر دیکھنے کے بجائے مدت کو دیکھا جائے ۔جے یو ائی فے کا موقف تھا کہ اس وقت جو عمر کی مدت مقرر ہے وہی رہنی چاہیے ۔مختلف جماعتوں کی تجویز تھی کہ ججز کی مدت ملازمت میں اضافہ ہونا چاہیے جبکہ ائینی عدالت کے جج کی عمر کی حد نہیں ہونی چاہیے اور جج کی عمر کے معاملے پر تمام سیاسی جماعتوں میں اتفاق رائے ضروری ہے۔ پیپلز پارٹی کا موقف ہے کہ ائینی عدالت کے لیے ججز کی عمر بڑھانا متنازع ہو جائے گا ہم نے جو 2006میں طے کیا وہ 2024 کے منشور کا بھی حصہ ہے اور اسی کو اگے لے کر جائیں گے ججز نے جج کی تعیناتی کا اختیار اپنے پاس رکھ لیا اسی لیے مجھے ائینی عدالت چاہیے۔انہوں نے مزید کہا کہ اگر نیا بینچ بنا بھی دیا جائے توسوبسمﷲ، صوبوں کو برابر کے حقوق کیسے ملیں گے لاہور ہائی کورٹ کا ایک سینیئر جج بیٹھا رہا اور پھر یہ کہا گیا کہ وہ سپریم کورٹ کے لیے اہل نہیں انہی وجوہات کی بنا پر ہمیں ائینی عدا لت چاہیے