ٹک ٹاک اسٹار مناہل ملک ایک اور متنازعہ ویڈیو لیک کا شکار

معروف ٹک ٹاک سینسیشن مناہل ملک ایک بار پھر متنازعہ ویڈیو لیک اسکینڈل کی زد میں آ گئی ہیں۔

رمضان المبارک میں عمرہ ادا کرنے اور عید منانے کے بعد اب ان کی ایک اور نجی ویڈیو سوشل میڈیا پر وائرل ہو گئی ہے، جس پر صارفین کی جانب سے شدید ردعمل سامنے آ رہا ہے۔

یہ پہلا موقع نہیں جب مناہل ملک کے نام سے منسوب مواد نے سوشل میڈیا پر ہنگامہ برپا کیا ہو۔ گزشتہ سال اکتوبر میں بھی ایسی ہی ویڈیوز وائرل ہوئی تھیں، جس کے بعد انہوں نے عارضی طور پر سوشل میڈیا سے کنارہ کشی اختیار کر لی تھی۔

موجودہ واقعے پر ردعمل دیتے ہوئے مناہل ملک نے کہا ہے کہ یہ تمام ویڈیوز مصنوعی ذہانت (AI) کے ذریعے بنائی گئی جعلی ویڈیوز ہیں۔ انہوں نے مزید بتایا کہ انہوں نے ایف آئی اے (FIA) میں باضابطہ شکایت درج کرا دی ہے اور امید ہے کہ ذمہ دار عناصر جلد قانون کی گرفت میں ہوں گے۔

سوشل میڈیا پر اس معاملے پر ملا جلا ردعمل دیکھنے میں آ رہا ہے۔ کچھ صارفین نجی زندگی کی خلاف ورزی پر سخت غصے کا اظہار کر رہے ہیں، جبکہ کچھ کا خیال ہے کہ یہ محض شہرت حاصل کرنے کی ایک چال ہو سکتی ہے۔

یہ واقعہ ڈیجیٹل دور میں پرائیویسی کے تحفظ، آن لائن مواد کے غلط استعمال اور سوشل میڈیا اسکینڈلز کے معاشرتی اثرات جیسے اہم مسائل کو دوبارہ اجاگر کر رہا ہے۔ ماہرین کا کہنا ہے کہ ایسے واقعات نوجوان نسل کے لیے ایک لمحہ فکریہ ہیں۔

مناہل ملک کے مداحوں کا کہنا ہے کہ یہ ان کے لیے ایک نہایت تکلیف دہ صورتحال ہے، خاص طور پر اس وقت جب وہ ایک مذہبی سفر سے واپس آئی ہیں۔ دوسری جانب، بہت سے سوشل میڈیا صارفین نے اس واقعے کو “ڈیجیٹل ہراسانی” کی ایک اور مثال قرار دیا ہے۔

پاکستان کے سپر اسٹار فواد خان تقریباً 9 سال بعد بالی ووڈ میں واپسی کے لیے تیار ہیں۔ وہ رومانوی کامیڈی فلم ’ابیر گلال‘ میں وانی کپور کے ساتھ مرکزی کردار ادا کریں گے۔

اس رومانوی کامیڈی فلم کا ٹیزر یکم اپریل 2025 کو جاری کیا گیا، جس میں فواد خان اپنی جادوئی آواز اور دلکش آنکھوں سے وانی کپور کو متاثر کرتے ہوئے نظر آتے ہیں۔ یہ فلم 9 مئی 2025 کو سینما گھروں کی زینت بنے گی۔

منٹ 2 سیکنڈ کے اس ٹیزر کا آغاز ایک سوال سے ہوتا ہے: ’آخری بار آپ کب محبت میں گرفتار ہوئے تھے؟‘ اس کے بعد فواد اور وانی کو ایک کار میں دکھایا گیا ہے، جہاں فلم 1942: اے لو اسٹوری کا گانا ’کچھ نہ کہو‘ ریڈیو پر چلتا ہوا نظر آتا ہے۔ فواد اس گانے کو گنگناتے ہیں، اور وانی فواد کی آواز کے سحر میں مبتلا ہو جاتی ہیں۔

یہ فلم لندن میں بنائی گئی ایک خوبصورت لو اسٹوری ہے، جس کی ہدایتکاری آرتی ایس بگڈی نے کی ہے، جبکہ پروڈیوسرز میں ویوک بی اگروال، اوانٹیکا ہری، اور راکیش سپی شامل ہیں۔

فلم میں فواد اور وانی کے ساتھ لیزا ہیڈن، رِدھی ڈوگرا، فریدہ جلال، سونی رازدان، پرمیت سیٹھی، اور دیگر اداکار بھی شامل ہیں۔