سابق آسٹریلوی کرکٹر و آل راؤنڈر شین واٹسن نے چیمپئینز ٹرافی کے لیے بھارتی ٹیم کے پاکستان نہ جانے کو بدقسمتی قرار دیا ہے۔

آئی سی سی چیمپئینز ٹرافی کے سڈنی ٹور کے دوران گفتگو کرتے ہوئے شین واٹسن نے کہا کہ اس میں کوئی شک نہیں کہ پاک بھارت میچ ہر کسی کے لیے دلچسپی کا باعث ہوتا ہے۔ جب بھی پاکستان اور بھارت کی ٹیمیں آمنے سامنے آتی ہیں، یہ ایک خاص لمحہ ہوتا ہے۔ بطور آسٹریلوی کرکٹر، میں جانتا ہوں کہ انگلینڈ ہمارے لیے کتنا بڑا حریف ہے۔

انہوں نے مزید کہا کہ چیمپئینز ٹرافی کے لیے بھارتی ٹیم کا پاکستان نہ جانا واقعی بدقسمتی ہے، کیونکہ کوئی بھی کرکٹ فین اس میچ کو مس نہیں کرنا چاہتا۔

مزید پڑھیں: چیمپئنز ٹرافی، یو اے ای میں میچز سے بھی بڑی آمدنی متوقع

شین واٹسن نے یہ بھی کہا کہ جب مجھے 2019 میں پاکستان سپر لیگ (پی ایس ایل) کھیلنے کا موقع ملا تو پاکستان جانا میرے لیے ایک خاص لمحہ تھا، کیونکہ اس ملک کے لوگ طویل عرصے سے براہ راست ورلڈ کلاس کرکٹ دیکھنے سے محروم رہے ہیں۔

اسلام آباد:
وزیراعظم کی زیر صدارت نیشنل ایکشن پلان کی اپیکس کمیٹی کا اجلاس جاری ہے۔

اس اہم اجلاس میں وفاقی وزرا، چاروں صوبوں کے وزرائے اعلیٰ، چیف سیکرٹریز، وزیراعظم آزاد جموں و کشمیر اور وزیر اعلیٰ گلگت بلتستان بھی شریک ہیں۔ اس کے علاوہ، وزیراعظم شہباز شریف کی قیادت میں جاری اجلاس میں آرمی چیف جنرل سید عاصم منیر، انٹیلیجنس ایجنسیوں کے سربراہان اور ڈی جی ایف آئی اے بھی موجود ہیں۔

ذرائع کے مطابق، نیشنل ایکشن پلان کی اپیکس کمیٹی 2021ء کے نیشنل ایکشن پلان پر عملدرآمد کے معاملات کا جائزہ لے گی۔ اپیکس کمیٹی نئے سال کے لیے امن و امان کے اہداف اور حکمت عملیوں کا تعین بھی کرے گی۔