news
بلاول بھٹو زرداری کا قومی اسمبلی میں بیان – حکومتی پالیسیوں پر تنقید
پاکستان پیپلزپارٹی کے چیئرمین اور سابق وزیر خارجہ بلاول بھٹو زرداری نے کہا ہے کہ قومی اسمبلی میں پیپلز پارٹی تیسری بڑی جماعت ہے اور ہم حکومت کے ہر فیصلے کی حمایت بلاجواز نہیں کر سکتے۔ انہوں نے ہمیشہ ہاف ٹرم وزیراعظم کے فارمولے کو مسترد کیا ہے، اور حکومت کے ساتھ ہمارے تعلقات اور سیاسی موقف سب کے سامنے ہیں۔
پارلیمنٹ ہاؤس میں میڈیا سے گفتگو کرتے ہوئے انہوں نے کہا کہ جہاں عوامی مسائل حل ہوں گے اور معیشت میں بہتری آئے گی، وہاں حکومت کی تعریف کرنا اور اس کا ساتھ دینا ہمارا فرض ہے۔ لیکن جہاں عوامی مسائل پیدا ہوں گے، وہاں اپنی رائے کا اظہار بھی کریں گے۔ ہمارے ووٹرز کا بڑا مطالبہ مہنگائی میں کمی تھا، جس میں بہتری دیکھنے میں آئی ہے۔ دوسری بڑی جماعت ایوان میں پی ٹی آئی ہے، سوال یہ ہے کہ وہ کیا کر رہی ہے؟ صرف “قیدی 420” کی رہائی کا مطالبہ کیا جا رہا ہے، جبکہ اصل مسائل پر توجہ نہیں دی جا رہی۔
چیئرمین پیپلزپارٹی نے افسوس کا اظہار کیا کہ نہروں کے معاملے پر مشترکہ مفادات کونسل کا اجلاس ایک سال سے نہیں ہوا۔ پیپلز پارٹی وہ واحد جماعت ہے جس نے اس مسئلے کو مسلسل اٹھایا ہے۔ 27 دسمبر کو گڑھی خدا بخش میں بھی یہ مسئلہ زیر بحث آیا، اور ہر قومی اسمبلی اجلاس میں پیپلز پارٹی کے تمام ارکان نے اس پر آواز بلند کی۔ نواب یوسف تالپور نے اپنی آخری تقریر میں بھی اس معاملے کی اہمیت پر زور دیا۔
:ایس آئی ایف سی کی حکمت عملی کی بدولت پاکستان عالمی آئی ٹی مارکیٹ میں ایک نمایاں مقام حاصل کر رہا ہے۔ براڈبینڈ کنیکٹیویٹی میں سبسکرائبرز کی تعداد 139 ملین سے تجاوز کر گئی ہے، جبکہ 4.1 ملین افراد براڈ بینڈ کی توسیع سے مستفید ہو چکے ہیں، جس نے تیز رفتار انٹرنیٹ کے ذریعے معیشت اور تعلیم کو فروغ دیا ہے۔
‘ڈیجی اسکلز’ پروگرام کے تحت 6 لاکھ افراد کی تربیت کی گئی، 166 اسٹارٹ اپس قائم ہوئے، 5000 سے زائد نئی ملازمتیں پیدا ہوئیں، اور 260 ملین روپے کی سرمایہ کاری کی گئی۔
پاکستان میں 5G کی تیاری، وائی فائی 6E اور قومی اسپیس پالیسی نے جدید کنیکٹیویٹی کی راہ ہموار کی ہے۔ “حج ایپ” اور “ون پیشنٹ، ون آئی ڈی” سسٹم کے ذریعے شہریوں کو جدید سہولیات فراہم کی گئی ہیں۔
گلگت بلتستان اور آزاد کشمیر سمیت مختلف صوبوں میں ‘کلاؤڈ فرسٹ پالیسی’ نافذ کی گئی ہے، جبکہ قومی مصنوعی ذہانت اور سیمی کنڈکٹر پالیسیوں نے جدید ٹیکنالوجی میں پیش قدمی کی ہے۔
ڈیجیٹل معیشت کے فروغ کے لیے ڈیجیٹل اکانومی انہانسمنٹ پروجیکٹ (ڈی ای ای پی) سرگرم عمل ہے، اور ایس آئی ایف سی کے تعاون سے پاکستان میں ڈیجیٹل ترقی کی رفتار مستحکم، مربوط، محفوظ اور جدید معیشت کی تشکیل کی جانب گامزن ہے۔
ہندوتوا کی علمبردار مودی سرکار مقبوضہ کشمیر میں مذہبی آزادی، رواداری اور ہم آہنگی کے خلاف روزانہ کی بنیاد پر جبر کی نئی کہانیاں رقم کر رہی ہے۔
مسلمانوں کے لیے مقدس ترین مہینے رمضان کے دوران گلمرگ کے علاقے میں ایک میگزین کی جانب سے فیشن شو کا انعقاد کیا گیا۔
مودی سرکار نے یہ جانتے بوجھتے کہ مقبوضہ کشمیر کے غیور مسلمانوں کے دلوں کو اس سے کتنی تکلیف پہنچے گی، فیشن شو میں مادر پدر آزادی کا مظاہرہ کرنے کی کھلی چھٹی دی گئی۔
فیشن شو کے دوران ماڈلز کو برف پر کیٹ واک کرنے پر مجبور کیا گیا۔ فیشن شو کے مناظر سوشل میڈیا پر وائرل ہونے کے بعد مقبوضہ وادی میں شدید غم و غصے کا اظہار کیا جا رہا ہے۔ جس پر مقبوضہ کشمیر کی اسمبلی میں مسلم ارکان نے شدید احتجاج کیا اور اس فیشن شو کی اجازت دینے والوں کے خلاف کارروائی کا مطالبہ کیا۔
میر واعظ عمر فاروق نے کہا کہ صوفیوں کی سرزمین پر ایسا عمل برداشت نہیں کیا جائے گا۔ کٹھ پتلی وزیر اعلیٰ عمر عبد اللہ نے اس واقعے کو ایک پرائیوٹ تقریب قرار دیا۔ محبوبہ مفتی کی بیٹی التجا مفتی نے کٹھ پتلی حکومت کو اس واقعے کا ذمہ دار ٹھہرایا۔
سیاست8 years agoنواز شریف منتخب ہوکر دگنی خدمت کریں گے، شہباز کا بلاول کو جواب
- انٹرٹینمنٹ8 years ago
راحت فتح علی خان کی اہلیہ ان کی پروموشن کے معاملات دیکھیں گی
- کھیل8 years ago
پاکستانی کرکٹ ٹیم کے سابق کپتان شاہد آفریدی نے ساتھی کھلاڑی شعیب ملک کی نئی شادی پر ان کیلئے نیک خواہشات کا اظہار کیا۔
- انٹرٹینمنٹ8 years ago
شعیب ملک اور ثنا جاوید کی شادی سے متعلق سوال پر بشریٰ انصاری بھڑک اٹھیں
