برطانیہ کی ڈچس آف سسیکس میگھن مارکل نے اپنے نیٹ فلکس شو “ود لوو میگھن” کے پردے کے پیچھے کی کچھ دلچسپ مناظر شیئر کیے ہیں۔ میگھن مارکل اپنے نیٹ فلکس شو کی ریلیز کے لیے پوری طرح تیار ہیں، اور انہوں نے اپنے نئے انسٹاگرام اکاؤنٹ پر شو کی جھلکیاں پوسٹ کی ہیں، جن میں انہیں کیلیفورنیا میں اپنی ٹیم اور مہمانوں کے ساتھ شوٹنگ کرتے ہوئے دیکھا جا سکتا ہے۔ اس مختصر ویڈیو میں میگھن کو باورچی خانے میں رقص کرتے، شہد کی مکھیاں پالتے اور بیکنگ کرتے ہوئے دکھایا گیا ہے، اور ویڈیو کے آخر میں پرنس ہیری بھی مختصر طور پر ان کے ساتھ نظر آئے

بھارتی میڈیا کی رپورٹ کے مطابق، گووندا اور سنیتا آہوجا نے طلاق کے لیے عدالت سے رجوع کر لیا ہے، جو کہ 37 سال کی شادی کے بعد ایک بڑا فیصلہ ہے۔

بالی ووڈ کے معروف اداکار گووندا اور ان کی اہلیہ سنیتا آہوجا کے درمیان طلاق کی افواہیں سوشل میڈیا اور بھارتی میڈیا میں تیزی سے پھیل رہی ہیں۔

رپورٹس کے مطابق، دونوں نے طلاق کے لیے قانونی کارروائی شروع کر دی ہے۔ اگرچہ جوڑے کی جانب سے کوئی باضابطہ بیان سامنے نہیں آیا، لیکن یہ کہا جا رہا ہے کہ گووندا کے ایک مراٹھی اداکارہ کے ساتھ مبینہ تعلق نے ان کی علیحدگی میں اہم کردار ادا کیا ہے۔

یاد رہے کہ اس جوڑے کے درمیان کشیدہ تعلقات کی افواہیں کچھ عرصے سے سنیتا آہوجا کے انٹرویوز کی وجہ سے گردش کر رہی ہیں، لیکن ان کی علیحدگی کی وجوہات کی کوئی باضابطہ تصدیق نہیں ہوئی ہے۔

کچھ دن پہلے ایک انٹرویو میں سنیتا آہوجا نے بتایا کہ وہ اپنے شوہر گووندا کے ساتھ نہیں رہتیں، اور ایک اور انٹرویو میں انہوں نے یہ بھی کہا کہ وہ گزشتہ 8 سال سے اپنی سالگرہ اکیلے مناتی آ رہی ہیں۔