پشاور:
سابق صدر ڈاکٹر عارف علوی نے راہداری ضمانت کے حصول کے لیے پشاور ہائی کورٹ سے رجوع کیا ہے۔

ڈاکٹر عارف علوی نے ہائیکورٹ میں دائر کردہ درخواست میں آج ہی سماعت کی درخواست کی ہے۔

درخواست میں کہا گیا ہے کہ عارف علوی سابق صدر ہیں اور ان کے خلاف 7 مقدمات درج ہیں۔ درخواست گزار عدالتوں میں پیش ہونا چاہتے ہیں لیکن انہیں گرفتاری کا خدشہ ہے، اس لیے راہداری ضمانت فراہم کی جائے۔

یہ بات بھی قابل ذکر ہے کہ سابق صدر آج صبح پشاور ہائیکورٹ میں درخواست دائر کرنے کے لیے پہنچے تھے۔

یورپی یونین نے نو مئی کے فوجی عدالتوں کے فیصلوں پر اپنی تشویش کا اظہار کرتے ہوئے اسے بین الاقوامی ذمہ داریوں کے خلاف قرار دیا ہے۔ میڈیا رپورٹس کے مطابق، یورپی یونین نے پاکستان کی فوجی عدالت کی جانب سے نو مئی کے واقعات کے سلسلے میں 25 شہریوں کو دی جانے والی سزاؤں پر تشویش ظاہر کی ہے اور کہا ہے کہ یہ فیصلے شہری اور سیاسی حقوق کے بین الاقوامی معاہدے (آئی سی سی پی آر) کے خلاف ہیں، جس کی پاکستان پابندی کرتا ہے۔

اس بارے میں ایک بیان میں یورپی یونین کے ترجمان نے کہا کہ یہ سزائیں پاکستان کے شہری اور سیاسی حقوق کے بین الاقوامی معاہدے (آئی سی سی پی آر) سے متصادم ہیں، جسے پاکستان نے اپنی بین الاقوامی ذمہ داریوں کے تحت تسلیم کیا ہے۔ آئی سی سی پی آر کے آرٹیکل 14 کے تحت ہر شخص کو ایک آزاد، غیر جانبدار اور مجاز عدالت میں منصفانہ اور عوامی ٹرائل کا حق حاصل ہے، اور اس آرٹیکل کے تحت فوجداری مقدمات کے فیصلے عوامی سطح پر دیے جانے چاہئیں، اور ان کے نتائج کو منظر عام پر لانا بھی ضروری ہے۔

ترجمان نے یہ بھی بتایا کہ یورپی یونین کی جنرلائزڈ سکیم آف پریفرنسز پلس (جی ایس پی پلس) کے تحت پاکستان کے لیے یہ فیصلے اہم ہیں۔