عاطف خان اور شیر علی ارباب کی پارٹی عہدوں سے برطرفی ۔وزیراعلی کے پی کے

دو اراکین صوبائی اسمبلی عاطف خان اور شیر علی ارباب کو وزیراعلی خیبر پختون خواہ علی امین گنڈاپور نے پارٹی عہدوں سے برطرف کر دیا
پشاور نوشہرہ چار سدہ مردان اور صوابی اضلاع پر مشتمل پشاور ریجن کے صدر عاطف خان کو سابق ضلع ناظم محمد عاصم خان نے تبدیل کیا جبکہ صوبائی وزیر کامران خان بنگش پشاور ریجن کے جنرل سیکرٹری رہے
اسی طرح ارباب کو پشاور کے صدر کے عہدے سے ہٹا کر ان کی جگہ پر عرفان سلیم کو یہ منصب سونپ دیا گیااورایڈوکیٹ ملک شہاب کو ضلع پشاور کا نیا جنرل سیکرٹری بنا دیا گیا
پی ٹی ائی کے جنرل سیکرٹری علی اصغر خان نے صوبائی پارٹی صدر علی امین گنڈاپور کی منظوری سے پشاور ریجن اور ضلع پشاور میں تقریریوں کے نئے نوٹیفیکیشن بھی جاری کر دیے
عاطف خان نے برطرف کیے گئے وزیر شکیل خان کے حق میں بیان دیا تھا جبکہ ارباب نے وزیراعلی پر اعتماد کے بیان پر دستخط کرنے سے انکار کیا تھا

گنڈاپور نے شکیل کے حق میں بیان دینے پر رکن قومی اسمبلی جنید اکبر کو بھی فوکل پرسن برائے قومی اسمبلی کے عہدے سے برطرف کر دیاتھا کے پی کے کے سابق وزیر برائے مواصلات و تعمیرات شکیل خان نے حکومت میں کرپشن کا دعوی کرتے ہوئے اپنے عہدے سے استعفی دیا تھا
وزیراعلی نے اپنے ایک بیان میں کہا کہ پی ٹی ائی چیئرمین عمران خان کی منظوری سے بنائی گئی گڈ گورننس کمیٹی نے ہی شکیل خان کو ان کی کارکردگی کی وجہ سے ہٹانے کی منظوری دی تھی۔