ملکی زرمبادلہ کے ذخائر میں 23 ملین ڈالر کا اضافہ، سونے کی قیمت نئی بلند ترین سطح پر

ملکی زرمبادلہ کے ذخائر میں 23 ملین ڈالر کا اضافہ ہوا ہے، جس کے بعد یہ 15.75 ارب ڈالر تک پہنچ گئے ہیں۔ سٹیٹ بینک کی جانب سے جاری کردہ ہفتہ وار اعدادوشمار کے مطابق، 4 اپریل کو ختم ہونے والے ہفتے میں سٹیٹ بینک کے پاس زرمبادلہ کے ذخائر 10.69 ارب ڈالر تھے، جبکہ کمرشل بینکوں کے پاس یہ 5.05 ارب ڈالر تک پہنچ گئے۔ پچھلے ہفتے کے دوران زرمبادلہ کے ذخائر میں 23 ملین ڈالر یعنی 2 کروڑ 30 لاکھ ڈالر کا اضافہ ہوا، جس کے نتیجے میں ملک کے مجموعی ذخائر کی مالیت 15 ارب 75 کروڑ 27 لاکھ ڈالر ہوگئی ہے۔ ملکی مجموعی ذخائر میں ایک ہفتے کے اندر 17 کروڑ 30 لاکھ ڈالر کا اضافہ بھی ہوا ہے۔

دوسری جانب، عالمی مارکیٹ میں سونے کی قیمتوں میں اتار چڑھاؤ جاری ہے۔ عالمی منڈی میں سونے کی قیمتوں میں اضافے کے باعث پاکستان میں بھی قیمتوں میں نمایاں اضافہ دیکھنے کو ملا ہے۔

میڈیا رپورٹس کے مطابق، عالمی مارکیٹ میں سونے کی قیمتوں میں اضافے کی وجہ سے پاکستان میں بھی سونے کی قیمت بڑھ گئی ہے۔

بڑے اضافے کے بعد، فی تولہ سونے کی نئی قیمت بلند ترین سطح پر پہنچ گئی ہے۔ پچھلے دو دنوں میں فی تولہ سونے کی قیمت میں 10 ہزار 800 روپے کا اضافہ ہوا ہے۔ آج ملک میں فی تولہ سونے کی قیمت میں 7 ہزار 800 روپے کا اضافہ ہوا ہے، جس کے بعد مقامی صرافہ بازاروں میں نئی قیمت 3 لاکھ 28 ہزار 800 روپے ہوگئی ہے۔ اسی طرح، 10 گرام سونے کی قیمت بھی بڑھ گئی ہے، جس میں 6 ہزار 688 روپے کا اضافہ ہوا ہے۔