news
یورپ کا پہلا مداری راکٹ لانچ کے فوراً بعد تباہ
یورپ سے لانچ ہونے والا پہلا مداری راکٹ ایک منٹ سے بھی کم وقت میں گر کر تباہ ہو گیا۔ لیکن آپریٹرز نے پھر بھی اس مشن کو کامیاب قرار دیا ہے۔
جرمن خلائی کمپنی نے اسپیکٹرم راکٹ کو نارویجن آرکٹک کے اینڈویا سپیس پورٹ سے ایک آزمائشی مشن کے طور پر لانچ کیا تھا، مگر چند سیکنڈز بعد ہی اس میں سے دھواں نکلنے لگا اور جلد ہی یہ زمین پر گر کر تباہ ہوگیا۔
Asar نے ایک بیان میں کہا کہ اس واقعے نے کمپنی کو مستقبل میں زیادہ مؤثر اور احتیاطی اقدامات کے لیے کافی مقدار میں فلائٹ ڈیٹا اور تجربہ فراہم کیا ہے۔
بیان میں یہ بھی کہا گیا کہ لانچ کیا گیا راکٹ کنٹرولڈ انداز میں سمندر میں گرا۔
یہ یورپی سرزمین سے راکٹ لانچ کرنے کی پہلی کوشش تھی اور عالمی سطح پر خلائی دوڑ میں شامل ہونے کے لیے براعظم کے اقدامات کا پہلا مرحلہ تھا۔