news
واٹس ایپ اب آئی فون پر ڈیفالٹ میسجنگ اور کالنگ ایپ بنے گا
ٹیکنالوجی کی دنیا میں ایپل نے پچھلے سال آئی او ایس 18.2 جاری کرنے کے بعد آئی فون صارفین کو تھرڈ پارٹی ایپس کو میسجنگ اور کالنگ کے لیے بطور ڈیفالٹ ایپس استعمال کرنے کی سہولت فراہم کی تھی۔ اب، جلد ہی، کمپنی واٹس ایپ کو کال اور میسج کے لیے ڈیفالٹ ایپ بنانے کی تیاری کر رہی ہے۔
واٹس ایپ بِیٹا انفو کے مطابق، واٹس ایپ کا بِیٹا ورژن 25.8.10.74 استعمال کرتے ہوئے، آئی فون صارفین اس ایپ کو اپنی ڈیفالٹ ایپ کے طور پر منتخب کر سکیں گے۔ اس کا مطلب یہ ہے کہ جب بھی صارفین میسج یا کال کریں گے، تو آئی فون کے فون یا میسج ایپ کے بجائے واٹس ایپ استعمال ہوگا۔
یہ فیچر فی الحال صرف واٹس ایپ بِیٹا صارفین کے لیے دستیاب ہے، اور ابھی یہ واضح نہیں ہے کہ یہ عام صارفین کے لیے کب متعارف کرایا جائے گا۔