عمران خان نے ججز کے تبادلے کے خلاف سپریم کورٹ میں درخواست دائر کر دی

پاکستان تحریک انصاف کے بانی چیئرمین عمران خان نے اسلام آباد ہائی کورٹ میں ججز کے تبادلے کے خلاف سپریم کورٹ میں درخواست دائر کر دی ہے۔ تفصیلات کے مطابق، سابق وزیراعظم کی جانب سے دائر کی جانے والی اس درخواست میں وفاقی حکومت، لاہور اور اسلام آباد ہائی کورٹس کے رجسٹرارز کے ساتھ ساتھ سندھ اور بلوچستان ہائیکورٹس کے رجسٹرارز کو بھی فریق بنایا گیا ہے۔
انہوں نے درخواست میں یہ استدعا کی ہے کہ ججوں کے تبادلوں کا نوٹیفکیشن غیر قانونی، غیر آئینی اور کالعدم قرار دیا جائے۔ مزید یہ کہ ججز کے تبادلوں میں آئین اور عدلیہ کی آزادی کے اصولوں کی پاسداری کی ہدایت دی جائے، اور سپریم کورٹ الجہاد ٹرسٹ کیس میں طے شدہ اصولوں پر عملدرآمد کو یقینی بنانے کا حکم جاری کرے۔ وہ تین ججوں کے اسلام آباد ہائی کورٹ تبادلے کو بھی کالعدم قرار دینے کی درخواست کر رہے ہیں، کیونکہ آرٹیکل 200 کا استعمال تفصیلی مشاورت کے بغیر ممکن نہیں ہے۔

درخواست میں یہ مؤقف اپنایا گیا ہے کہ اسلام آباد ہائی کورٹ کے موجودہ ججز کو انتقامی کارروائی کا نشانہ بنایا جا رہا ہے، کیونکہ انہوں نے عدالتی معاملات میں مداخلت کے خلاف آواز بلند کی تھی اور بانی پی ٹی آئی کے خلاف مقدمات کو میرٹ پر نمٹایا تھا۔ بغیر حلف اٹھائے ایک جج کو لا کر قائم مقام چیف جسٹس بنایا گیا، جو کہ عدلیہ کی آزادی ختم کرنے کی ایک سازش ہے۔ یہ تمام اقدامات…