news
ایس آئی ایف سی کی حکمت عملی سے پاکستان کی آئی ٹی مارکیٹ میں ترقی اور ڈیجیٹل معیشت کا فروغ
:ایس آئی ایف سی کی حکمت عملی کی بدولت پاکستان عالمی آئی ٹی مارکیٹ میں ایک نمایاں مقام حاصل کر رہا ہے۔ براڈبینڈ کنیکٹیویٹی میں سبسکرائبرز کی تعداد 139 ملین سے تجاوز کر گئی ہے، جبکہ 4.1 ملین افراد براڈ بینڈ کی توسیع سے مستفید ہو چکے ہیں، جس نے تیز رفتار انٹرنیٹ کے ذریعے معیشت اور تعلیم کو فروغ دیا ہے۔
‘ڈیجی اسکلز’ پروگرام کے تحت 6 لاکھ افراد کی تربیت کی گئی، 166 اسٹارٹ اپس قائم ہوئے، 5000 سے زائد نئی ملازمتیں پیدا ہوئیں، اور 260 ملین روپے کی سرمایہ کاری کی گئی۔
پاکستان میں 5G کی تیاری، وائی فائی 6E اور قومی اسپیس پالیسی نے جدید کنیکٹیویٹی کی راہ ہموار کی ہے۔ “حج ایپ” اور “ون پیشنٹ، ون آئی ڈی” سسٹم کے ذریعے شہریوں کو جدید سہولیات فراہم کی گئی ہیں۔
گلگت بلتستان اور آزاد کشمیر سمیت مختلف صوبوں میں ‘کلاؤڈ فرسٹ پالیسی’ نافذ کی گئی ہے، جبکہ قومی مصنوعی ذہانت اور سیمی کنڈکٹر پالیسیوں نے جدید ٹیکنالوجی میں پیش قدمی کی ہے۔
ڈیجیٹل معیشت کے فروغ کے لیے ڈیجیٹل اکانومی انہانسمنٹ پروجیکٹ (ڈی ای ای پی) سرگرم عمل ہے، اور ایس آئی ایف سی کے تعاون سے پاکستان میں ڈیجیٹل ترقی کی رفتار مستحکم، مربوط، محفوظ اور جدید معیشت کی تشکیل کی جانب گامزن ہے۔