head lines
اسلام آباد ہائی کورٹ حملہ کیس: توہین عدالت کی کارروائی ختم
اسلام آباد ہائی کورٹ میں 8 فروری 2021ء کو ہائی کورٹ کے چیف جسٹس بلاک پر حملے کے کیس کی سماعت ہوئی۔ قائم مقام چیف جسٹس اسلام آباد ہائی کورٹ، جسٹس سرفراز ڈوگر نے اس کیس کی سماعت کی۔ مقدمے میں شامل وکلاء کے بیانِ حلفی اسلام آباد ہائی کورٹ میں جمع کرائے گئے۔
اسلام آباد ہائی کورٹ کے ججز کا ڈیوٹی روسٹر بھی جاری کر دیا گیا۔ عدالت نے تمام 36 وکلاء کے خلاف توہین عدالت کی کارروائی ختم کر دی۔ عادل عزیز قاضی نے بتایا کہ عدالت نے بیانِ حلفی طلب کیے تھے جو کہ جمع کر دیے گئے ہیں۔
بابر اعوان ایڈووکیٹ نے کہا کہ یہ واقعہ ہڑتال کی وجہ سے پیش آیا، جسے پولیس نے کچھ زیادہ ہی بڑھا چڑھا کر پیش کیا۔ بابر اعوان نے عدالت سے درخواست کی کہ یہ کیس 5 سال سے چل رہا ہے، لہذا اب اسے ختم کر دیا جائے۔