news
آسٹریلیا میں 3.47 ارب سال پرانا سیارچہ ٹکرانے کا گڑھا دریافت
محققین نے حال ہی میں یہ دعویٰ کیا ہے کہ انہیں ایسے شواہد ملے ہیں کہ 3.47 ارب سال پہلے ایک سیارچہ زمین سے ٹکرایا تھا۔
آسٹریلیا میں سائنس دانوں نے دنیا کا قدیم ترین سیارچہ ٹکرانے کا گڑھا دریافت کیا ہے۔
جریدے نیچر کمیونیکیشنز میں شائع ہونے والی ایک تحقیق کے مطابق یہ گڑھا ملک کے کنارے پر چھپا ہوا تھا اور اس کی عمر 3.47 ارب سال ہے۔
آسٹریلیا کی کرٹن یونیورسٹی کے پروفیسر ٹم جانسن نے کہا کہ اس دریافت سے پہلے سب سے پرانا سیارچہ ٹکرانے کا گڑھا 2.2 ارب سال پرانا تھا، اس لیے یہ اب تک زمین پر پایا جانے والا سب سے قدیم گڑھا ہے۔